អតីតនាយករដ្ឋមន្ត្រីថៃ យីងឡាក់ ស៊ីណាវ៉ាត្រា បច្ចុប្បន្នកំពុងរស់នៅអង់គ្លេស តាមរយៈទិដ្ឋាការពាណិជ្ជករ ហើយពុំទាន់សុំបានសិទ្ធិជ្រកកោននយោបាយនៅឡើយទេ -នេះបើតាមប្រព័ន្ធផ្សព្វផ្សាយថៃដកស្រង់សម្តីមេដឹកនាំគណបក្សភឿថៃ ឲ្យដឹងកាលពីថ្ងៃទី ១០/១។
កាសែត The Nation បានដកស្រង់ប្រភពព័ត៌មានច្បាស់ការណ៍ពីណគបក្សភឿថៃ ឲ្យដឹងថា អ្នកស្រីយីងឡាក់ បានទទួលទិដ្ឋការពាណិជ្ជករប្រភេទ១ សម្រាប់ការស្នាក់នៅអង់គ្លេស។ ទិដ្ឋាការនេះអាចអនុញ្ញាតឲ្យអ្នកស្រីបានស្នាក់នៅទីនេះរយៈពេលអំពីបរិមាណ ៣ឆ្នាំ ៤ខែ។
តាមព័ត៌មានលើគេហទំព័ររបស់រដ្ឋាភិបាលថៃ ពលរដ្ឋនៅក្រៅតំបន់សេដ្ឋកិច្ចទ្វីបអឺរ៉ុប និងស្វីស អាចទទួលបានទិដ្ឋាការប្រភេទ ១ (សម្រាប់ពាណិជ្ជករ) ប្រសិនបើ ឆ្លើយតបលក្ខខណ្ឌវិនិយោគ ២០០.០០០ផោន (៨,៧លានបាត) ចូលប្រទេសអង់គ្លេស។ អ្នកទទួលបានទិដ្ឋាការនេះ អាចសុំពន្យារពេលទិដ្ឋាការបន្ថែម ២ឆ្នាំទៀត។
មុននេះប្រភពពីគណបក្សភឿថៃ ក៏បានបញ្ជាក់ថា អ្នកស្រីយីងឡាក់ កំពុងស្ថិតនៅអង់គ្លេស ហើយរង់ចាំការពិនិត្យពាក្យស្នើសុំជ្រកកោននយោបាយ ប៉ុន្តែពួកគេបដិសេធថា ពុំដឹងពីកន្លែងស្នាក់សនៅរបស់អ្នកស្រីយីងឡាក់ទេ។
កំពុងមានទំនោរទស្សនៈ២ចំពោះរឿងនេះ។ អ្នកប្រឆាំងអ្នកស្រីយីងឡាក់ថា ៖ “រូបភាពទាំងនេះ ជាកិច្ចប្រឹងប្រែងមួយរបស់អ្នកស្រីយីងឡាក់ សំដៅស្ទាបស្ទង់សាធារណៈមតិ ក៏ដូចជាភាគីយោធា។ យើងពុំដឹងថា អ្នកណាបានផ្សព្វផ្សាយរូបថតទាំងនោះ ដោយហេតុអ្វីពួកគេមានវា?”។
ទំនោរគាំទ្រវិញលើកឡើងថា ៖ “អ្នកស្រីយីងឡាក់ជាមនុស្សតែងយល់ដឹងថា ខ្លួនកំពុងធ្វើអ្វី។ ជាក់ស្តែងអ្នកស្រីបានថតរូបជាមួយអ្នកណានោះនៅក្រុងឡុង ហើយការរាលដាលនៃរូបភាពនេះ ពុំមែនជារឿងចៃដន្យទេ!”៕ សូយន
