តុលាការនៅក្នុងប្រទេសបង់ក្លាដេស បានកាត់ទោសប្រហារជីវិតក្រុមភេរវករចំនួន ៧នាក់ពាក់ព័ន្ធនឹងការវាយប្រហារទៀមការហ្វេកាលពីឆ្នាំ ២០១៦ បណ្តាលឲ្យមនុស្សចំនួន ២២នាក់ស្លាប់។
តុលាការប្រឆាំងភេរកម្មបានធ្វើការប្រកាសសាលក្រម នៅចំពោះមុខមហាជន ដោយលោកចៅក្រមឈ្មោះ Mojibur Rahman បានប្រកាសថា ក្រុមភេរវករទាំងនោះ ចង់ទាញចំណាប់អារម្មណ៍ឲ្យផ្តោលើក្រុមរដ្ឋអ៊ីស្លាមពួកគេ។
លោកថ្លែងថា “ពួកគេចង់បំផ្លាញសន្តិសុខសាធារណៈ បង្កើតភាពអាណាធិបតេយ្យ និងបង្កើតរដ្ឋជីហាត”។
លោកបន្ថែមថា “ជនល្មើសទាំងនោះ នឹងត្រូវកាត់ទោសប្រហារជីវិតដោយការព្យួរករ”។
សូមបញ្ជាក់ថា ការវាយប្រហារទៅលើទៀមកាហ្វេកាលពីឆ្នាំ ២០១៦ ក្នុងរដ្ឋធានាដាកា បណ្តាលឲ្យមនុស្សស្លាប់ ២២នាក់ រួមមាន ១៨នាក់ជាជនបរទេស៕
អត្ថបទប្រែសម្រួលដោយ៖ សុភ័ក្រ
ប្រភព៖ CGTN