តាម Sputnik, ក្រសួងការពារជាតិរុស្ស៊ីនៅថ្ងៃទី១០/១ បានប្រកាសជាសាធារណៈនូវរូបភាពនៃយន្តហោះគ្មានអ្នកបើកបរ ត្រូវបានភេរវករនៅស៊ីរីប្រើប្រាស់សម្រាប់វាយលុកមូលដ្ឋាយោធា ២នៅ Hmeymim និង Tartus។ បណ្តារូបភាពបង្ហាញឲ្យឃើញថា មានឧបករណ៍ ៣ នៅសភាពដើមទាំងស្រុង ហើយឧបករណ៍ទាំងនេះត្រូវបានតម្លើងពីក្តាបន្ទះឈើ ខ្សែតភ្ជាប់ រួចរុំស្កុតជុំវិញ ព្រមទាំងជ័រ PE។ ក្រៅពីនោះក្រសួងការពារជាតិរុស្ស៊ីនៅបានផ្តល់ឲ្យឃើញរូបភាពយន្តហោះគ្មានអ្នកបើកបរ ៣គ្រឿង បានផ្ទុះជាបំណែកៗ។
យន្តហោះដែលវាយលុកមូលដ្ឋានយោធារបស់រុស្ស៊ី
អង្គភាពនេះ នៅបានវាយតម្លៃថា ការតម្លើងយន្តហោះគ្មានអ្នកបើកបរដែលពួកភេរវករប្រើប្រាស់ អាចធ្វើបានដោយប្រទេសដែលមានបច្ចេកទេសជឿនលឿន ហើយព្រមានថា ប្រទេសណាក៏ដោយលើពិភពលោកក៏អាចនឹងប្រទះជាមួយការវាយកម្ទេចស្រដៀងគ្នានេះដែរ។
មន្ទីរបញ្ចកោណបានទាត់ចោលនូវការវាយតម្លៃបែបនេះ ហើយពួកគេថា ប្រភេទឧបករណ៍បែបនេះ អាចទិញបាននៅទីផ្សារសេរីយ៉ាងងាយ។
នៅថ្ងៃទី ៦/១មុននោះ រុស្ស៊ីឲ្យដឹងថា យោធាពួកគេបានរុញច្រានការវាយលុកពីសំណាក់យន្តហោះគ្មានអ្នកបើកបរចំនួន ១០គ្រឿង របស់ពួកឧទ្ទាម សំដៅលើមូលដ្ឋានយោធាអាកាស Hmeymim និងបរិក្ខារ៣ទៀត សំដៅលើមូលដ្ឋានទ័ពជើទឹកនៅ Tartus ។ យន្តហោះនេះ ៧គ្រឿងត្រូវបានបាញ់ទម្លាក់ដោយប្រព័ន្ធការពារ Pantsir-S ខណៈពេល៦គ្រឿងទៀតបានត្រូវគៀបឲ្យចុះចតនៅតំបន់ដែលរុស្ស៊ីគ្រប់គ្រង៕ សូយន