ភ្នំពេញ ៖ មជ្ឈមណ្ឌលសិទ្ធិមនុស្សកម្ពុជា បានប្រកាសថា សាលាឧទ្ធរណ៍ នៅថ្ងៃទី២៩ ខែវិច្ឆិកា ឆ្នាំ២០១៩នេះ បានសម្រេចតម្កល់ ការផ្តន្ទាទោសលោក រ៉ាត់ រ័ត្នមុនី ពីបទញុះញង់ឲ្យមានការរើសអើង។
លោកត្រូវបានកាត់ទោស ឲ្យជាប់ពន្ធនាគាររយៈពេល២ឆ្នាំក្នុងការ ដែលលោកធ្វើជាជំនួយការក្នុងការ ផលិតវីដេអូ ឯកសារមួយមានចំណងជើងថា “ម្តាយខ្ញុំលក់ខ្ញុំ” ដែលនិយាយ អំពីការជួញដូរមនុស្ស ហើយត្រូវបានរាជរដ្ឋាភិបាល ចាត់ទុកថាជា “ព័ត៌មានក្លែងក្លាយ”។
មជ្ឈមណ្ឌលសិទ្ធិមនុស្សកម្ពុជា (Cambodian Center for Human Rights ) បានប្រកាសថា “ថ្ងៃនេះ សាលាឧទ្ធរណ៍បានសម្រេចតម្កល់ការផ្តន្ទាទោសលោក រ៉ាត់ រ័ត្នមុនី ពីបទញុះញង់ឲ្យមានការរើសអើង។ លោកត្រូវបានកាត់ទោស ឲ្យជាប់ពន្ធនាគារ រយៈពេលពីរឆ្នាំ ក្នុងការដែលលោកធ្វើជាជំនួយការ ក្នុងការផលិតវីដេអូឯកសារមួយ មានចំណងជើងថា “ម្តាយខ្ញុំលក់ខ្ញុំ” ដែលនិយាយអំពីការជួញដូរមនុស្ស ហើយត្រូវបានរដ្ឋាភិបាលចាត់ទុកថាជា “ព័ត៌មានក្លែងក្លាយ”។ លោក រ៉ាត់ រ័ត្នមុនី ត្រូវបានជាប់ឃុំតាំងពីពេលចាប់ខ្លួន រហូតដល់ដំណើរការបណ្តឹងឧទ្ធរណ៍។ ម.ស.ម.ក អំពាវនាវឱ្យទម្លាក់បទចោទប្រឆាំងលោក រ័ត្នមុនី និងដោះលែងរូបលោកជាបន្ទាន់”៕ដោយ៖កូឡាប