(ភ្នំពេញ)៖ នាថ្ងៃទី២៩ ខែ វិច្ឆិកា ឆ្នាំ២០១៩ លោក ឧត្តមសេនីយ៍ឯក ជា ពៅ ប្រធាននាយកដ្ឋានប្រឆាំងបទល្មើសបច្ចេកវិទ្យា ចុះធ្វើបទបង្ហាញស្តីពី “ទិដ្ឋភាពទូទៅនៃបទល្មើសបច្ចេកវិទ្យា និងបទល្មើសបច្ចេកវិទ្យានិងការអនុវត្តច្បាប់” នៅបញ្ជាការដ្ឋានកងរាជអាវុធហត្ថលើផ្ទៃប្រទេស។
លោក ឧត្តមសេនីយ៍ឯក ជា ពៅ បានមានប្រសាសន៍ថា បទបង្ហាញនេះធ្វើឡើងដើម្បីបង្កើនសម្ថភាពកងកម្លាំងឱ្យកាន់តែសុីជម្រៅ ទាក់ទងនឹងការប្រើប្រាស់បណ្ដាញសង្គម ក៏ដូចជាការកំណត់បទល្មើសតាមប្រព័ន្ធបច្ចេកវិទ្យា ដែលមានការវិវឌ្ឍន៍ជឿនលឿនយ៉ាងឆាប់រហ័សនាពេលបច្ចុប្បន្ន។
បទបង្ហាញនេះមានការអញ្ជើញចូលរួមពីសំណាក់ នាយរងសេនាធិការ ស្នងការ ស្នងការរង នាយកវិទ្យាស្ថាន នាយកមជ្ឈមណ្ឌល មេបញ្ជាការកងរាជអាវុធហត្ថរាជធានីខេត្ត នាយ នាយរងការិយាល័យ ព្រមទាំងនាយទាហាន នាយទាហានរង នៃកងរាជអាវុធហត្ថដែលមានការពាក់ព័ន្ធចំនួន ២២៨នាក់៕ ដោយ៖បញ្ញាស័ក្តិ