តាកែវ ៖ ទីតាំងលួចលាក់ផលឹតស្កត្នោតក្លែងក្លាយចំនួន ៤ ទីតាំងធំៗ នៅក្នុងភូមិព្រៃខ្លា ឃុំកុមារាជា ស្រុកបាទី ត្រូវបានអាជ្ញាធស្រុកបាទីសហការជាមួយមន្ត្រីជំនាញកាំកុងត្រូលនិងមន្ទីរសិប្បកម្មខេត្តតាកែវ ចុះបង្ក្រាបដោយរឹបអូសវត្ថុតាងមួយចំនួនយកទៅរក្សាទុកនៅសាលាស្រុកបាទី ដោយឡែកចំពោះស្កដែលបានកែឆ្នៃហើយត្រូវបានដុតបំផ្លាញចោលតែម្ដង។
លោក ភួន ឈីម អភិបាលស្រុកបាទីបានថ្លែងឲ្យដឹងថា បញ្ហាលួចផលឹតស្កត្នោតក្លែងក្លាយ ដោយយកស្កសលាយជាមួយទឹកនិងប្រេងឆាមកកែឆ្នៃជាស្កត្នោតនេះ កន្លងមកអាជ្ញាធស្រុកបាទីបានកោះហៅម្ចាស់ទីតាំងផលិតទាំងជាង ៤០ ទីតាំងនៅក្នុងស្រុកបាទីមកអប់រំនិងបានចុះបង្ក្រាបជាច្រើនលើកច្រើនសារមកហើយ ក៏ប៉ុន្តែបងប្អូនប្រជាពលរដ្ឋមួយចំនួននៅតែបន្តលួចលាក់ផលិតបើទោះបីជាដឹងថានេះជាទង្វើខុសច្បាប់យ៉ាងណាក៏ដោយ ដោយបងប្អូនសំអាងថាគ្មានមុខរបរធ្វើក្រៅពីរបរនេះ ដូច្នេះថ្ងៃនេះអាជ្ញាធស្រុករួមនិងមន្ត្រីពាក់ព័ន្ធបានឆ្មក់ចុះមកបង្ក្រាប ដោយរិបអូសវត្ថុតាងមួយចំនួននិងបានដុតបំផ្លាញចោលស្កឆ្នោតដែលកែឆ្នៃរួចមួយចំនួនធំទៅតាមការបញ្ជារបស់លោកព្រះរាជអាជ្ញាអមសាលាដំបូងខេត្តតាកែវ។
លោកអភិបាលស្រុកបាទីបានមានប្រសាសន៏បន្តថា ការយកស្កសរមកកែឆ្នៃជាស្កត្នោតដាក់លក់នៅលើទីផ្សារនេះវាជាទង្វើខុសច្បាប់ ដូច្នោះអាជ្ញាធស្រុកនិងអាជ្ញាពាក់ព័ន្ធនិងបន្តបង្ក្រាប ដោយមិនអនុញ្ញាតិឲ្យមានការកែឆ្នៃដោយខុសច្បាប់នេះកើតឡើងទៀតនោះទេ ហើយអ្នកដែលបន្តលួចផលឹតបើអាជ្ញាធចាប់ខ្លួនបាននិងត្រូវបញ្ចូនទៅតុលាការដើម្បីចាត់ការទៅតាមច្បាប់ដោយគ្មានយោគយល់ទៀតទេ។
នៅក្នុងឱកាសនោះលោកអភិបាលស្រុកបាទី ភួន ឈីម បានធ្វើការអំពាវនាវឲ្យបងប្អូនប្រជាពលរដ្ឋដែលលួចលាក់ផលឹតស្កត្នោតក្លែងក្លាយនេះ ឲ្យបញ្ឈប់សកម្មភាពខុសច្បាប់តទៅទៀត ហើយងាកទៅប្រកបមុខរបផ្សេងដែលត្រឹមត្រូវទៅតាមច្បាប់ ម្យ៉ាងទៀតការលួចផលឹតស្កត្នោតក្លែងក្លាយនេះមិនត្រូវតែជាទង្វើខុសច្បាប់ប៉ុណ្ណោះទេ វាក៏បានបំផ្លាញសុខភាពបងប្អូនប្រជាពលរដ្ឋដែលទិញស្កនេះទៅប្រើប្រាស់ជាពិសេសវាបានបំផ្លាញស្កឆ្នោតគេពិតប្រាកដដោយយកទឹកត្នោតមកកែឆ្នៃជាស្កត្នោត ដែលស្កត្នោតពិតប្រាកដនេះមានការទទួលស្គាល់បងប្អូនប្រជាពលរដ្ឋនិងមានការនាំលក់ចេញទៅក្រៅប្រទេសថែមទៀតផង៕ ដោយ ៖ តាកែវ
