ស្វាយរៀង ៖ ស្នងការដ្ឋាននគរបាលខេត្តស្វាយរៀង បានឲ្យដឹងថា នៅរសៀលថ្ងៃទី០១ ខែធ្នូ ឆ្នាំ២០១៩ នេះកម្លាំងនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្ត បានបញ្ជួនខ្លួនជនសង្ស័យចំនួន ៣ នាក់ ប្រុស ទៅឃុំខ្លួននៅពន្ធនាគារខេត្តស្វាយរៀង ដែលបានធ្វេីសកម្មភាពលួចម៉ូតូចំនួន ២លើក ២ កន្លែង ក្នុងក្រុងស្វាយរៀង កាលពីថ្ងៃទី២៩ វិច្ឆិកា ២០១៩ ហេីយត្រូវបានកម្លាំងនគរបាលខេត្ត ក្រុងស្វាយរៀង ស្រុករំដួល ស្រុកស្វាយជ្រំ សហការជាមួយកម្លាំងកងរាជអាវុធហត្ថខេត្ត ដេញតាមចាប់បានភ្លាមៗ ក្រោយធ្វេីសកម្មភាព ។
គូរបញ្ជាក់ថា៖កាលពីថ្ងៃទី២៩ ខែវិច្ឆិកា ឆ្នាំ២០១៩ក្រុមចោរមានគ្នា ០៤ នាក់ ម៉ូតូ ០២ គ្រឿង បានឌុបគ្នាធ្វើសកម្មភាពលួចម៉ូតូ ០២ លើក ០២ កន្លែង ៖ លើកទី១ នៅថ្ងៃ ២៩ វិច្ឆិកា ២០១៩ ម៉ោង១២:២០ នៅភូមិស្វាយ សង្កាត់ចេក ក្រុងស្វាយរៀង ក្រុមចោរបានលួចកាច់សោរកម៉ូតូ របស់ប្រជាពលរដ្ឋ នៅបន្ទប់ជួលខាងមុខសកលវិទ្យាល័យស្វាយរៀង តែមិនបានសម្រេចដោយម្ចាស់ដឹងទាន់ផ្ទះបានឃេីញ និងរាយការទាន់ពេលមកសមត្ថកិច្ច ។ លើកទី២ គឺក្រុមចោរដដែលបានគេចខ្លួនហើយបន្តដំណើរទៅលួចកាច់សោកម៉ូតូរបស់ប្រជាពលរដ្ឋ ០១ គ្រឿងទៀត នៅម៉ោង ១៣និង២០ ថ្ងៃដដែល នៅភូមិស្វាយរៀង សង្កាត់ស្វាយរៀង លួចបានសម្រេច ។
ក្រោយទទួលបានព័ត៌មានពីប្រជាពលរដ្ឋកម្លាំងនគរបាល និងកងកងរាជអាវុធហត្ថបានចេញអន្តរាគមន៍ដេញតាម និងស្ទាក់បង្ក្រាបឃាត់ខ្លួនបានចំនួន ០៣ នាក់ ប្រុស និង ម៉ូតូ ០២ គ្រឿង(ម៉ូតូចោរ ១ គ្រឿង និងម៉ូតូដែលចោរលួចយកបាន ១ គ្រឿង ) ។ ចំណែកបក្ខពួកចោរ ១ នាក់ ទៀតគេចខ្លួនបាត់ ។
សមត្ថកិច្ចកំពុងស្រាវជ្រាវតាមចាបខ្លួនចាត់ការតាមច្បាប់បន្តទៀត៕ដោយ៖បញ្ញាស័ក្តិ
