ភ្នំពេញ ៖ រដ្ឋបាលរាជធានីភ្នំពេញបង្ហាញពិព័រណ៍រូបភាពរយៈពេល៤០ឆ្នាំរបស់រាជធានីភ្នំពេញ ដើម្បីបង្ហាញអោយប្រជាពលរដ្ឋនិងភ្ញៀវបរទេសបានស្វែងយល់ពីការវិវឌ្ឍរបស់រាជធានីភ្នំពេញចេញពីបាតដៃទទេ ហើយមានការអភិវឌ្ឍន៍រីកចម្រើនរហូតមកដល់សព្វថ្ងៃនេះ។
រូបភាពភាពជាច្រើនផ្ទាំងដែលពិពណ៌នាអំពីស្ថានភាពរាជធានីភ្នំពេញ ក្នុងរយៈពេល៤០ឆ្នាំ ចាប់ពីឆ្នាំ១៩៧៩ដល់ឆ្នាំ២០១៩ នេះត្រូវបានដាក់បង្ហាញជាសាធារណៈប្របតាមដងទន្លេសាប នៅលើផ្លូវថ្មើរជើងក្រោយសាលសន្និសីទចតុមុខ ។
ពិព័រណ៍រូបភាពនេះ ត្រូវបានផ្សព្វផ្សាយដើម្បីអបអរសាទរ ក្នុងឱកាសដែររាជធានីភ្នំពេញ ធ្វើជាម្ចាស់ផ្ទះ រៀបចំ មហាសន្និបាតសមាគមអន្តរជាតិ នៃអភិបាលក្រុងប្រើប្រាស់ភាសាបារាំង (AIMF) លើកទី៣៩ ចាប់ពីថ្ងៃទី៣ដល់ថ្ងៃទី៤ខែធ្នូឆ្នាំ ២០១៩។
លោក ឃួង ស្រេង អភិបាលរាជធានីភ្នំពេញ បានបញ្ជាក់ថា៖ រាជធានីភ្នំពេញ មានកិត្ដិយសណាស់ ដោយបានជ្រើសរើស យករូបថតកាលពីសមយ័បារាំង និងក្រោយរបបប៉ុលពត ជាង១ពាន់សន្លឹក យកមកដាក់តាំង ពិព័ណ៏ ដើម្បីរំលឹកដល់កូនចៅជំនាន់ក្រោយបានដឹង និងស្វែងយល់ពីសម័យកាលមួយទៅសម័យ កាល មួយ ដោយបានដាក់តាំងបង្ហាញជាសាធារណៈនៅតាមបណ្ដោយផ្លូវថ្មើជើង មាតទន្លេ ក្នុងសង្កាត់ ចតុមុខ ខណ្ឌដូនពេញ ខណៈរាជធានីភ្នំ ពេញធ្វើជាម្ចាស់ផ្ទះ នៃកិច្ចប្រជុំ AIMF អភិបាលក្រុង ប្រើប្រាស់ ភាសាបារាំង ក្នុងគោលបំណងធំមួយ ទៀតនោះគឺ ដើម្បីបង្ហាញអោយប្រជាពលរដ្ឋនិងភ្ញៀវជាតិ និងអន្ដរជាតិ បានស្វែង យល់ពីការវិវឌ្ឍរបស់រាជធានីភ្នំពេញចេញពីបាតដៃទទេ មុននិងមានការអភិវឌ្ឍ រីកចម្រើន មកដល់សព្វថ្ងៃនេះ ។
លោក ឃួង ស្រេង បានបញ្ជាក់ថា៖ ពិព័រណ៍រូប ភាពនេះ យើងបានផ្សព្វផ្សាយដើម្បីអបអរសាទរ ក្នុងឱកាសដែររាជធានីភ្នំពេញ ធ្វើជាម្ចាស់ផ្ទះ រៀបចំ មហាសន្និបាតសមាគមអន្តរជាតិ នៃអភិបាលក្រុង ប្រើប្រាស់ភាសាបារាំង (AIMF) លើកទី៣៩ ចាប់ពីថ្ងៃទី៣ដល់ថ្ងៃទី៤ខែធ្នូឆ្នាំ ២០១៩។
លោក ឃួង ស្រេង អភិបាលរាជធានីភ្នំពេញបាន អោយដឹងថា ពិព័រណ៍រូបភាពនេះនឹងធ្វើអោយ មហាជន បានយល់ពីកិច្ចខិតខំប្រឹងប្រែងរបស់ រាជរដ្ឋាភិបាលក្នុងការស្វែងរកសន្តិភាព និងការស្ថាបនា រាជធានីភ្នំពេញ ព្រមទាំងប្រទេសកម្ពុជាទាំងមូលបានយ៉ាងល្អស្រស់ឆើតឆាយ ចេញពីបាតដៃទទេក្រោយភ្នក់ភ្លើង សង្គ្រាម។
លោក ព្យែរ ប៊ៃយ៉េ លេខាធិការដ្ឋានរបស់សមាគមអន្តរជាតិនៃអភិបាលក្រុងប្រើប្រាស់ភាសាបារាំង ( AIMF )
បានកោតសរសើររាជធានីភ្នំពេញ ថារៀបចំពិព័រណ៍រូបភាពនេះបានល្អ ដើម្បីអោយប្រជាពលរដ្ឋនៅតែចង់ចាំពីការដឹកនាំដល់ត្រឹមត្រូវរបស់រាជរដ្ឋាភិបាល ដែលធ្វើអោយទីក្រុងនេះមានការអភិវឌ្ឍរីកចំរើនគួរកត់សម្គាល់។ លោកបានបញ្ជាក់ថា រាជធានីភ្នំពេញនឹងក្លាយជាទីក្រុងគំរូសម្រាប់សមាជិកទីក្រុង អភិបាលក្រុងប្រើប្រាស់ភាសាបារាំង (AIMF)នៅទ្វីបអាហ្រិកដើម្បីអនុវត្តតាម។
សូមបញ្ជាក់ថា ពិព័រណ៍រូបភាពរយៈពេល៤០ឆ្នាំរបស់រាជធានីភ្នំពេញនេះ ត្រូវបានសម្រិតសម្រាំងរូបភាព រហូតដល់ជាង២ពាន់សន្លឹក ដែលបានមកពីក្រុមផលិតករថតរូបកម្ពុជា និងបរទេស។
នារសៀលថ្ងៃអាទិត្យ ០៥កើត ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០១ ខែធ្នូ ឆ្នាំ២០១៩នេះ លោកឃួង ស្រេង អភិបាល នៃគណៈអភិបាលរាជធានីភ្នំពេញ និងលោក ព្យែរ ប៊ៃយ៉េ លេខាធិការដ្ឋានរបស់សមាគមអន្តរជាតិនៃអភិបាលក្រុងប្រើប្រាស់ភាសាបារាំង ( AIMF ) បានអញ្ជើញជាអធិបតីក្នុងពិធីសម្ពោធឧបករណ៍កម្សាន្តសម្រាប់កុមារ និងឧបករណ៍លំហាត់ប្រាណនៅសួនច្បារព្រះនាងប្រាជ្ញាបារមី ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ និងការបើកបង្ហាញពិព័រណ៍រូបភាពក្រោមប្រធានបទ ៤០ឆ្នាំ នៃដំណើរវិវត្តន៍របស់រាជធានីភ្នំពេញ នៅតាមបណ្ដោយតិរវិថីព្រះសុីសុវត្ថិ ស្ថិតនៅក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ និងមានការចូលរួមពីសមាជិក សមាជិកា ក្រុមប្រឹក្សារាជធានី អភិបាលរងរាជធានី ប្រធាន អនុប្រធាន មន្ទីរអង្គភាពជំនាញពាក់ព័ន្ធ លោក លោកស្រី អភិបាល អភិបាលរងខណ្ឌទាំង១៤ និងមន្ដ្រីរាជការ បងប្អូនប្រជាពលរដ្ឋក្នុងមូលដ្ឋាន៕ ដោយ៖កូឡាប