ភ្នំពេញ ៖ នៅយប់ថ្ងៃទី០១ខែធ្នូឆ្នាំ២០១៩នេះកម្លាំងសមត្ថកិច្ចអាជ្ញាធរខណ្ឌច្បារអំពៅបានរាយការណ៍អោយដឹងថា កម្លាំងចុះត្រួតពិនិត្យរដ្ឋបាលនៅផ្ទះ លេខ២៩៦ ក្រុម០៦ ផ្លូវបេតុង ភូមិដើមចាន់១ សង្កាត់ច្បារអំពៅទី២ ពិនិត្យជាក់ស្តែងឃើញមានការលេងហ្គេមបាញ់ត្រី ដោយមានការឯកភាពពីព្រះរាជអាជ្ញារងសាលាដំបូងរាជធានីភ្នំពេញ គណៈបញ្ជាការឯកភាពរដ្ឋបាលខណ្ឌសម្រេចដកហូតទូរហ្គេមបាញ់ត្រីខាងលើចំនួន៤ទូរយកមករក្សាទុកនៅសាលាខណ្ឌដើម្បីបំផ្លាញចោលនៅពេលខាងមុខ។
ខណៈពេលកម្លាំងគណៈបញ្ជាការឯកភាពច្បារអំពៅចុះបង្ក្រាបបនល្បែងស៊ីសងទូហ្គេមបាញ់ត្រីនៅសង្កាតច្បារអំពៅទី២ទាំងយប់ដូចនេះ មហាជនទូទៅ គាំទ្រជាខ្លាំងពិសេសអ្នកស្រុកច្បារអំពៅទី២ហើយពួកអ្នកស្រុកសំណូមពរដល់គណៈបញ្ជាការឯកភាពខណ្ឌច្បារអំពៅបន្តដោយប្រើកណ្ដាប់ដៃនេះ ចុះបង្ក្រាបបនល្បែងស៊ីសងគ្រប់ប្រភេទនៅសង្កាត់ច្បារអំពៅទី២នេះបន្តទៀតព្រោះនៅសង្កាត់ច្បារអំពៅទី២នេះមានអ្នកលួចបើកបនល្បែងលេងស៊ីគ្រប់ប្រភេទដូចជាបៀរអាប៉ោង កត់ចាក់កន្ទុយលេខនិងហ្គេមបាញ់ត្រីកំពុងបើកលេងស៊ីសងគ្នាទាំងយប់ថ្ងៃនៅច្រើនកន្លែងទៀត៕ ដោយ៖កូឡាប
