ពាក្យថាខ្សោយបេះដូងមិនមែនមានន័យថា បេះដូងអ្នកឈប់លោតនោះទេ។ វាគ្រាន់តែមិនធ្វើការបានល្អដូចអ្វីដែលវាត្រូវធ្វើប៉ុណ្ណោះ។ វាអាចកើតឡើងនៅពេលដែលបេះដូងមិនអាចច្របាច់ឈាម និងអុកស៊ីសែនទៅចិញ្ចឹមឈាមបានគ្រប់គ្រាន់។ វាប្រហែលជាកើតឡើងដោយសារតែសាច់ដុំបេះដូងចុះខ្សោយ។ ប៉ុន្តែវាក៏មានរឿងច្រើនទៀតដែលអាចធ្វើឲ្យបេះដូងធ្វើការមិនបានល្អដែរ។
បេះដូងអាចចាប់ផ្តើមចុះខ្សោយទៅតាមអាយុ ប៉ុន្តែបញ្ហានេះក៏អាចកើតឡើងលើមនុស្សវ័យក្មេងដែរ។ មនុស្សភាគច្រើនដែលមានជំងឺនេះ គឺមានបញ្ហាណាមួយមុនដូចជា សម្ពាធឈាមឡើងខ្ពស់ ជំងឺសរសៃឈាមបេះដូង គាំងបេះដូង បេះដូងខូចពីកំណើត ឬជំងឺណាមួយដែលប៉ះពាល់ទៅលើសាច់ដុំច្របាច់ឈាមរបស់បេះដូង។ ជំងឺសួតក៏អាចនាំឲ្យខ្សោយបេះដូងបានដែរ។ ភាពធាត់ជ្រុល ជំងឺទឹកនោមផ្អែម និងការគេងបាត់ដង្ហើមក៏ជាប់ទាក់ទងគ្នាដែរ។
ខាងក្រោមនេះគឺជាអាការៈមួយចំនួននៃជំងឺខ្សោយបេះដូងដូចជា៖
— ពិបាកដកដង្ហើម
–ខ្សោយ
–ក្អក និងដកដង្ហើមលឺដូចហួច
–ហើម និងឡើងទម្ងន់
–ចង្អោ
–បេះដូងលោតញ៉ាប់
វាគឺជាសញ្ញាព្រមានដ៏ញឹកញាប់មួយ។ នៅពេលបេះដូងមិនអាចច្របាច់ឈាមបានគ្រប់គ្រាន់ រាងកាយនឹងដឹង។ ដូច្នេះវានឹងធ្វើរឿងមួយចំនួនខាងក្រោមនេះ ដើម្បីបានឈាមគ្រប់គ្រាន់ប្រើប្រាស់ដូចជា៖
–បន្ថែមសាច់ដុំទៅលើបេះដូងដើម្បីច្របាច់ឈាមកាន់តែខ្លាំង
–ពង្រីកទំហំបេះដូងដូច្នេះវានឹងអាចធ្វើការកាន់តែល្អ
–ធ្វើឲ្យបេះដូងលោតកាន់តែលឿន៕
ប្រភព៖ health.com.kh
