ខេត្តកោះកុង ៖ មនុស្ស៤នាក់បានស្លាប់ភ្លាមៗនៅកន្លែងកើតហេតុ កាលពីវេលាម៉ោងប្រមាណជិត៣រសៀលថ្ងៃទី០២ ខែធ្នូ ឆ្នាំ២០១៩នេះ បន្ទាប់ពីមានករណីគ្រោះថ្នាក់ចរាចរណ៍មួយ បានកើតឡើងរវាងរថយន្តដឹកទំនិញបុកជាមួយរថយន្តដឹកទំនិញដូចគ្នាក្នុងទិសដៅផ្ទុយទិសគ្នា ពេញទំហឹង។
អាជ្ញាធរនិងសមត្ថកិច្ចស្រុកបូទុមសារ បានដុតដៃដុតជើងក្នុងការ ជួយសង្គ្រោះបន្ទាន់ និងដឹកសាកសពចេញពីកន្លែងកើតហេតុ ក្រោយកើតមានករណីរថយន្តដឹកថ្នាំពេទ្យ បែកកង់ក្នុងស្ថានភាពល្បឿនលឿនទិសដៅ (ភ្នំពេញ _កោះកុង) បានជ្រល់ចង្កូតទៅបុកឡានមួយទៀតក្នុងទិសដៅ(កោះកុង_ភ្នំពេញ) ។
សមត្ថកិច្ចអោយដឹងថា ៖ ករណីគ្រោះថ្នាក់ខាងលើនេះ បណ្តាលមកពីរថយន្តបែកកង់។
ស្នងការដ្ឋាននគរបាលខេត្តកោះកុង បានឲ្យដឹងថា ៖ នៅថ្ងៃទី ០២ ធ្នូ ២០១៩ វេលាម៉ោង ១៤និង៣៤ នាទីរសៀល មានករណីគ្រោះថ្នាក់ចរាចរណ៏កើតឡើង ០១លើក លើផ្លូវជាតិលេខ៤៨ ចន្លោះបង្គោលគីឡូម៉ែត្រលេខ ៤៦-៤៧ ស្ថិតក្នុងភូមិប្រលាន ឃុំកណ្តោល ស្រុកបូទុមសាគរ ខេត្តកោះកុង ។
បង្កឡើងដោយរថយន្ត ១ គ្រឿងFRONTIA កង់ ៦ មួយតោនកន្លះ ពណ៌ ស ពាក់ផ្លាកលេខ ភ្នំពេញ ២AT ៦៤៣៩ ដឹកសាប៊ូ បើកបរទិសដៅពីផ្សារវាលរេញ មកកោះកុង រួចក៍បែកកង់មុខខាងឆ្វេង រ៉េចង្កូតចូលផ្លូវនៃរថយន្ត ០១គ្រឿងទៀត HYUNDAI ពណ៌ ស ពាក់ផ្លាកលេខ ព្រះសីហនុ ៣A ៤០០០ ទិសដៅផ្ទុយគ្នា បុកចំពីរមុខយ៉ាងពេញទំហុឹង បណ្តាលអោយស្លាប់មនុស្សចំនួន ០៤នាក់ ប្រុស ខាងរថយន្តបង្ក ជនរងគ្រោះមានឈ្មោះដូចខាងក្រោម្រោម ៖
១-ឈ្មោះ សូ សំនាង ភេទ ប្រុស អាយុ ២៥ ឆ្នាំ ជនជាតិខ្មែរ មានទីលំនៅស្រុកកោះធំ ខេត្តកណ្តាល ( ស្លាប់ ) ។
២- ឈ្មោះ វីរះ ភេទប្រុស អាយុ ៣៤ឆ្នាំ ជនជាតិខ្មែរ មានទីលំនៅខេត្តស្វាយរៀង (ស្លាប់) ។
៤- ឈ្មោះ ស៊ាង គ្រី ភេទប្រុស អាយុ ៣០ឆ្នាំ ជនជាតិខ្មែរ មានទីលំនៅខេត្តកំពង់ចាម (ស្លាប់) ។
៥- ឈ្មោះ ប៊ូ ប៊ុនថន ភេទប្រុស អាយុ ៣០ឆ្នាំ ជនជាតិខ្មែរ មានទីលំនៅស្រុកស៊ីធរកណ្តាល ខេត្តព្រៃវែង(ស្លាប់)។
ចំណែកអ្នកបើកបររថយន្ត HYUNDAI និងអ្នករួមដំណើរ បានរត់គេចខ្លួនបាត់ ពុំស្គាល់អត្តសញ្ញាណ ។
បច្ចុប្បន្ន សពជនរងគ្រោះ យើងបានយកមកតម្កល់ទុកនៅវត្តអណ្តូងទឹក រងចាំ គ្រួសារសពមកទទួល ។
ចំណែកឯ រថយន្តទាំងពីរគ្រឿងខាងលើ ខូចខាត ធ្ងន់ យើងយកមករក្សាទុកនៅអធិការដ្ឋាន ៕ដោយ៖កូឡាប