ខេត្តស្វាយរៀង ៖ មនុស្សប្រុសស្រីចំនួន៦នាក់បានរងរបួសធ្ងន់និងស្រាលនៅក្នុងករណីគ្រោះថ្នាក់ចរាចរណ៍មួយរវាងម៉ូតូសណ្ដោងរុឺម៉កនិងម៉ូតូ ដំណើរបញ្ច្រាស់ទិសគ្នាដែលហេតុការណ៍ខាងលើនេះបានកើតឡើងកាលពីវេលាម៉ោង១៩និង៥នាទីព្រលប់ថ្ងៃទី២ខែធ្នូឆ្នាំ២០១៩នៅលើផ្លូវជាតិលេខ13 ក្រាលកៅស៊ូ ចន្លោះគីឡូម៉ែត្រលេខ32-33ត្រង់ចំណុចភូមិអារក្សស្វាយ ឃុំអណ្ដូងពោធិ៍ ស្រុករមាសហែក ខេត្តស្វាយរៀង។
សមត្ថកិច្ចបានឱ្យដឹងថា៖ជនរងគ្រោះមានឈ្មោះ លន់ ស្រឿន ភេទប្រុស អាយុ36ឆ្នាំ មុខរបរកសិករ រស់នៅភូមិដើមពោធិ៍ ឃុំកណ្ដៀងរាយ ស្រុកស្វាយទាប ខេត្តស្វាយរៀង ជាអ្នកបើកម៉ូតូម៉ាកHONDA.C125 ពណ៌ខ្មៅ ស៊េរី 2019 ពាក់ផ្លាកលេខ ស្វាយរៀង 1N. 0963 ដឹកមនុស្សម្នាក់ឈ្មោះ ផុន មករា ភេទស្រី អាយុ33ឆ្នាំ មុខរបរ.កសិករ ត្រូវជាប្រពន្ធ បើកពីទិសខាងជើងទៅត្បូង។
ប្រភពដដែលបានបន្តទៀតថា៖ចំណែកភាគីខាងម៉ូតូរុឺម៉កមានឈ្មោះ នង ចិត្រា ភេទប្រុស (ហៅចែវ) អាយុ23ឆ្នាំ មុខរបរ.លក់ដូរ រស់នៅភូមិតាត្រាវ ឃុំកំពង់ត្រាច ស្រុករមាសហែក ខេត្តស្វាយរៀង ជាអ្នកបើកម៉ូតូសណ្ដោងរឺុម៉កម៉ាកHONDA WAVE.C110 ពណ៌ក្រហមលាយខ្មៅ ពាក់ផ្លាកលេខ រាជការ.1497 បើកពីទិសខាងត្បូងមកជើង ដឹកមនុស្សចំនួន៤នាក់គឺ ៖ ទី១.ឈ្មោះ ហង់ ស្វិត ភេទប្រុស អាយុ25ឆ្នាំ មុខរបរ.កសិករ រស់នៅភូមិក្រញូង ឃុំដូង ស្រុករមាសហែកខេត្តស្វាយរៀង។ ទី២.ឈ្មោះ ទឹម ដារ៉ា ភេទប្រុសអាយុ23ឆ្នាំ មុខរបរ.កសិករ រស់នៅភូមិក្រញូង ឃុំដូង ស្រុករមាសហែក ខេត្តស្វាយរៀង។ ទី៣.ឈ្មោះ យិន សារ៉ុម ភេទប្រុស អាយុ35ឆ្នាំ មុខរបរ.កសិករ រស់នៅភូមិក្រញូង ឃុំដូង ស្រុករមាសហែក ខេត្តស្វាយរៀង។ និងទី៤.ពុំស្គាល់ឈ្មោះ(របួសស្រាល) ។
សមត្ថកិច្ចបានឱ្យដឹងទៀតថាៈករណីនេះគ្រោះថ្នាក់ចរាចរណ៍នេះមានមនុស្សរងគ្រោះសរុបចំនួន៦នាក់ ស្រី១នាក់របួស ធ្ងន់ ចំនួន ៣នាក់ ស្រី១នាក់ គឺឈ្មោះផុន មករា . លន់ ស្រឿន . យិន សារ៉ុម អ្នកទាំងអស់គ្នាបានបញ្ជូនមកព្យាបាលនៅមន្ទីពេទ្យបង្អែកស្រុករមាសហែក។បច្ចុប្បន្នវត្ថុតាងបានយកមករក្សាទុកនៅប៉ុស្តិ៍នគរបាលរដ្ឋបាលអណ្ដូងពោធិ៍ ដើម្បីចាត់ការបន្តទៅតាមផ្លូវច្បាប់។ មូលហេតុ:ម៉ូតូសណ្ដោងរ៉ឺម៉កបើកពុំប្រកាន់ស្តាំ៕ ដោយ ៖ វ៉ៃកូ
