កំពង់ឆ្នាំង៖ សមត្ថកិច្ចមូលដ្ឋាន បានឲ្យដឹងថា នៅព្រឹកថ្ងៃទី 3 ខែធ្នូ ឆ្នាំ 2019 សមត្ថកិច្ចបានប្រទះឃើញរថយន្តម៉ាកកាមរី គូទស្វិតមួយគ្រឿង បានក្រឡាប់ផ្ងារជើង ក្នុងប្រឡាយទឹក ស្ថិតតាមបណ្ដោយផ្លូវពីភូមិគោកបន្ទាយ ទៅភូមិកងមាស ស្ថិតក្នុងភូមិកងមាស ឃុំគោកបន្ទាយ ស្រុករលាប្អៀរ ដោយមិនឃើញម្ចាស់នៅកន្លែងកើតហេតុនោះឡើយ។
សមត្ថកិច្ចបានឲ្យដឹងថា រថយន្តខាងលើនេះ មិនដឹងថា រថយន្តមួយគ្រឿងនេះ បានធ្លាក់ចូលប្រឡាយទឹក តាំងពីពេលណាមកទេ ដោយសារតែនៅម្ដុំកន្លែងកើតហេតុនោះ មិនមានផ្ទះប្រជាពលរដ្ឋរស់នៅ ដើម្បីសាកសួរអំពីមូលហេតុ នៃការធ្លាក់រថយន្តនេះ ម្យ៉ាងអ្នកបើកបររថយន្តក៏មិនឃើញនៅកន្លែងកើតហេតុនោះផងដែរ។ ដូច្នេះសមត្ថកិច្ចមិនទាន់ធ្វើការសន្និដ្ឋានថា យ៉ាងណានោះទេ ដោយសមត្ថកិច្ចកំពុងតែធ្វើការស្រាវជ្រាវ រកម្ចាស់រថយន្ត ដើម្បីសាកសួរពីមូលហេតុ៕ ដោយ៖បញ្ញាស័ក្តិ
