ភ្នំពេញ៖ បើតាមការផ្សព្វផ្សាយរបស់កងពលតូចលេខ៧០ កាលពីយប់ថ្ងៃទី១០មករា បានឲ្យដឹងថា យុទ្ធោបករណ៍ជាច្រេីនប្រភេទរបស់កងពលតូចលេខ៧០ និងអង្គភាពមួយចំនួនទៀត ត្រូវបានដឹកចេញទាំងកណ្តាលអធ្រាត្រឈានចូលថ្ងៃទី១១ ខែមករា ឆ្នាំ២០១៨ ដេីម្បីដាក់តាំងបង្ហាញក្នុងពិធីតាំងពិព័រណ៌និងប្រកួតកីឡាកងយោធពលខេមរភូមិន្ទ ។
សូមជម្រាបថាយុទ្ធោបករណ៍ទាំងនោះ រួមមានអាវុធយុទ្ធភ័ណ្ឌគ្រប់ប្រភេទ រថក្រោះ និងរថពាសដែក ទូកប្រដេញ BM21 ឧត្ថម្ភាគចក្រZ9 និងរថយន្តយោធាមួយចំនួនទៀត មកពីអង្គភាពនានា។ មិនត្រឹមតែប៉ុណ្ណោះ នៅមានការដាក់តាំងបង្ហាញសម្ភារះយោធា ដំណាំហូបផ្លែ និងសកម្មភាពនានាជាច្រេីនរបស់យោធា រួមទាំងការប្រគុំតន្ត្រីខ្នាតធំ ដែលព្រឹត្តិការណ៍ទាំងអស់នេះនឹងប្រព្រឹត្តទៅរយះពេល៣ថ្ងៃ ចាប់ពីថ្ងៃទី ១២ដល់១៤ ខែមករា ឆ្នាំ២០១៨ខាងមុខនេះ ដែលអនុញ្ញាតិអោយចូលទស្សនាដោយសេរី ៕ ដោយ៖បញ្ញាស័ក្តិ
