ខេត្តស្វាយរៀងៈ បុរសម្នាក់បានរងរបួសធ្ងន់ នៅក្នុងករណីគ្រោះថ្នាក់ចរាចរណ៍មួយរវាងរថយន្តនិងម៉ូតូ ខណៈដែលជនរងគ្រោះជិះម៉ូតូឆ្លងផ្លូវ មិនប្រយ័ត្ន ដែលហេតុការណ៍ខាងលើនេះ បានកើតឡើងកាលពីវេលាម៉ោង៨និង៥នាទីព្រឹកថ្ងៃទី៣ ខែធ្នូ ឆ្នាំ២០១៩ រវាងរថយន្ដ និង ម៉ូតូ ( ទិសដៅផ្ទុយគ្នា ) លើផ្លូវជាតិលេខ ១ ចន្លោះគីឡូម៉ែត្រលេខ ១៣១/១៣២ ស្ថិតក្នុងភូមិ ស្វាយតឿ សង្កាត់ ស្វាយតឿ ក្រុងស្វាយរៀង ។
សមត្ថកិច្ចបានឱ្យដឹងថាៈ រថយន្ដ បង្កម៉ាកStarex ពណ៌ ស ពាក់ផ្លាកលេខ ភ្នំពេញ ២AE ៧៩៨០ បើកបរដោយឈ្មោះ មាន សុធី ភេទ ប្រុស អាយុ ២៦ មុខរបរ យោធា រស់នៅភូមិ ៨ សង្កាត់ បឹងកក់១ ខណ្ឌទួលគក រាជធានីភ្នំពេញ បើកបរពីលិចទៅកើត អ្នកបើកបរគ្មានរបួស រថយន្ដខូចខាតស្រាល ។
ប្រភពដដែលបានបន្តថាៈ ម៉ូតូជនរងគ្រោះម៉ាកគុបជ្រុង ពណ៌ ទឹកប៊ិច គ្មានផ្លាកលេខ បើកបរដោយឈ្មោះ នង សាលកុល ភេទ ប្រុស អាយុ ៤៥ ឆ្នាំ មុខរបរ កម្មករសំណង់ រស់នៅភូមិ កញ្ចែត ឃុំ ស្វាយរំពារ ស្រុក ស្វាយទាប ខេត្ត ស្វាយរៀង ម៉ូតូបើកឆ្លងផ្លូវពីជើងទៅត្បូង ពាក់មួកសុវត្ថិភាព រងរបួសធ្ងន់ ម៉ូតូខូចខាតធ្ងន់ ។ មូលហេតុ អ្នកបើកបរម៉ូតូឆ្លងផ្លូវខ្វះការប្រុងប្រយ័ត្ន ។ ចំពោះមធ្យោបាយត្រូវបានសមត្ថកិច្ចយកទៅរក្សាទុក នៅការិយាល័យចរាចរណ៍ខេត្តស្វាយរៀង ។ ដោយឡែកអ្នករបួស សម្រាកព្យាបាលនៅមន្ទីរពេទ្យខេត្តស្វាយរៀង ៕ដោយ៖ វ៉ៃកូ