ភ្នំពេញ៖ក្រុមកីឡាការិនីប៉េតង់កម្ពុជាឡើងវគ្គផ្តាច់ព្រ័ត្រ បន្ទាប់ពីក្រុមនេះទទួលបានជ័យជម្នះ លើកឡាវ ខណៈក្រុមកីឡការិនីម៉ាឡេស៊ី ឈ្នះក្រុមមីយ៉ាន់ម៉ា នៃវិញ្ញាសា៣នាក់ទល់៣នាក់ នារី នៅវគ្គពាក់កណ្តាលផ្តាច់ព្រ័ត្រ ក្នុងព្រឹត្តិការណ៍ប្រកួតកីឡា SEA GAMES 2019 លើកទី៣០ នៅទីក្រុង Clark ក្នុងការប្រកួត ថ្ងៃទី៥ ខែធ្នូ ឆ្នាំ២០១៩។ ដោយឡែកវិញ្ញាសាគូ២ទល់២នារីវិញ កីឡាការិនី កែ ឡេង និង អ៊ុក ស្រីមុំឈ្នះម្ចាស់ផ្ទះ ហ្វីលីពីន ដោយលទ្ធផល ១៣ ទល់នឹង ២។
លោកសូ ម៉ៃសុខគា ប្រធានប្រតិភូ និងអគ្គលេខាធិការរងនៃសហព័ន្ធ បានប្រាប់ពីហ្វីលីពីនថា សម្រាប់វគ្គពាក់កណ្តាលផ្តាច់ព្រ័ត្រនេះ ក្រុមកីឡាការិនីប៉េតង់កម្ពុជា រួមមាន កីឡាការិនី អ៊ុន ស្រីយ៉ា និង កីឡាការិនី ស្រ៊ាង សុរ៉ាឃីម កីឡាការិនី ឃួន យ៉ារី និង កីឡាការិនី ដួងឌីណា យកឈ្នះកីឡាការិនីឡាវ វិញ្ញាសា៣នាក់ទល់៣នាក់។
លោកបានបន្តថា ហើយនៅវគ្គផ្តាច់ព្រ័ត្រ យើងនឹងជួបជាមួយក្រុមកីឡការិនីម៉ាឡេស៊ី ចំពោះការប្រកួតក្នុងពូលកម្ពុជាធ្លាប់ យកឈ្នះក្រុមកីឡាការិនីម៉ាឡេស៊ី ក្នុងលទ្ធផល១៣ទល់១០។ ចំណែកក្រុមបុរសកីឡាករ ថោង ឈឿង កីឡាករ តិប នរ៉ា កីឡាករ សៀង វណ្ណា និងកីឡាករ យឹម សុភណ្ឌបានធ្លាក់ហើយ។
ដោយឡែកវិញ្ញាសាគូ២ទល់២នារីវិញ កីឡាការិនី កែ ឡេង និង អ៊ុក ស្រីមុំឈ្នះម្ចាស់ផ្ទះ ហ្វីលីពីន ដោយលទ្ធផល ១៣ ទល់នឹង ២ នាព្រឹកថ្ងៃទី៥ ខែធ្នូនេះ។
កីឡាការិនី កែ ឡេង បានសរសេរលើហ្វេសប៊ុកថា “នាងខ្ញុំកីឡាការិនី កែ ឡេង និង កីឡាការិនី អ៊ុក ស្រីមុំ បានឈ្នះម្ចាស់ផ្ទះ ហ្វីលីពីន ដោយលទ្ធផល ១៣ ទល់នឹង ២ នាព្រឹកថ្ងៃទី៥ ខែធ្នូនេះ នៃការប្រកួតកីឡាស៊ីហ្គេម លើកទី៣០ ប្រទេសហ្វីលីពីន
ប្រភេទកីឡាប៉េតង់ វិញ្ញាសាវាយគូនារី” ដោយ៖កូឡាប
