ភ្នំពេញ៖ ក្លឹបអ្នកកាសែតកម្ពុជា បានប្រកាសថា អ្នកសារព័ត៌មានចំនួន៩៥រូប មកពី៦៧អង្គភាព បានចូលរួមពិភាក្សា និងអនុម័តសេចក្តីថ្លែងការណ៍រួមស្តីពី វេទិកានិពន្ធនាយកសារព័ត៌មានលើកទី១៦ ក្រោមប្រធានបទ ” ប្រព័ន្ធផ្សព្វផ្សាយព័ត៌មានកម្ពុជាក្នុងយុគសម័យ៤.០ ” របស់ក្លិបអ្នកកាសែតកម្ពុជា ដែលបានសម្រេចនៅក្នុងកិច្ចប្រជុំនាព្រឹកថ្ងៃទី៦ ខែធ្នូ ឆ្នាំ២០១៩នេះ។
ក្នុងគោលដៅលើកកម្ពស់សមត្ថភាពអ្នកសារព័ត៌មាន ក៏ដូចជាពង្រឹងស្ថាប័នសារព័ត៌មាននៅកម្ពុជាដើម្បី
ដើរឲ្យទាន់ការវិវឌ្ឍផ្នែកបច្ចេកវិទ្យាព័ត៌មានក្នុងយុគសម័យ ៤.0, វេទិកានិពន្ធនាយកសារព័ត៌មានកម្ពុជា
(វ.ន.ស.ក)លើកទី១៦ ដែលជាវេទិកាប្រចាំឆ្នាំធំបំផុតរបស់ក្លិបអ្នកកាសែតកម្ពុជា បានលើកយកប្រធាន
បទ “សារព័ត៌មានកម្ពុជាក្នុងយុគសម័យ ៤.០” មកពិភាក្សា។ ក្រោយពីបានជជែក និងពិភាក្សាគ្នាយ៉ាង
ផុលផុស វេទិកានិពន្ធនាយកសារព័ត៌មានកម្ពុជាឆ្នាំ ២០១៩ ដែលមាននិពន្ធនាយក បណ្ណាធិការ ចាងហ្វាង
ឬតំណាងសារព័ត៌មានចំនួន៩៥នាក់មកពី ៦៧អង្គភាពបានសម្រេច ចេញសេចក្តីថ្លែងការណ៍រួមដែល
មាន១៤ចំណុចដូចខាងក្រោម៖ វ.ន.ស.ក, យល់ឃើញថា ការបណ្តុះបណ្តាលធនធានមនុស្សផ្ទៃក្នុងគឺជាបញ្ហាសំខាន់ចាំបាច់សម្រាប់
ស្តាប័នសារព័ត៌មាននីមួយៗដើម្បីឲ្យអ្នកសារព័ត៌មាន មានចំណេះដឹងគ្រប់គ្រាន់ក្នុងការសរសេរព័ត៌មានឲ្យ
ត្រូវនឹងសភាពការណ៍ជាក់ស្តែង។ ក្នុងន័យនេះ វ.ន.ស.ក. សូមលើកទឹកចិត្តឲ្យអង្គភាពសារព័ត៌មាន
នីមួយៗរៀបចំឲ្យមានវគ្គបណ្តុះបណ្តាល និងវិក្រិតការផ្ទៃក្នុងដល់បុគ្គលិករបស់ខ្លួនជាប្រចាំ។ វ.ន.ស.ក. យល់ឃើញថា ក្លិបអ្នកកាសែតកម្ពុជាក៏ដូចជាសមាគមអ្នកសារព័ត៌មាននានាមានតួនាទី
សំខាន់ណាស់ក្នុងការរកធនធានមនុស្ស និងហិរញ្ញវត្ថុ ដើម្បីជួយគាំទ្រដល់ការបណ្ដុះបណ្ដាលអ្នកសារ
ព័ត៌មានឲ្យមានចំណេះជំនាញវិជ្ជាជីវៈ ផង និងចំណេះជំនាញផ្នែកបច្ចេកវិទ្យាក្នុងសម័យទំនើបផង។ វ.ន.ស.ក.សូមអំពាវនាវដល់ម្ចាស់អង្គភាពសារព័ត៌មានទាំងអស់សូមបង្កលក្ខណៈងាយស្រួលដល់
អ្នកសារព័ត៌មានរបស់ខ្លួនក្នុងការទទួលបានការបណ្តុះបណ្តាលទាំងក្នុងនិងក្រៅប្រទេសដើម្បីឲ្យពួកគេ
បង្កើនសមត្ថភាពជំនាញវិជ្ជាជីវៈរបស់ខ្លួនជាលំដាប់៕ដោយ៖កូឡាប
