ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញសារលិខិតអបអរសាទរពិធីបុណ្យសមុទ្រលើកទី៨ ជុំទី២ នៅខេត្តកំពត ក្រោមប្រធានបទ៖ ទីក្រុស្អាត ឆ្នេរល្អ ទេសចរណ៍រុងរឿង ដែលនឹងប្រារព្ធឡើងចាប់ពីថ្ងៃទី២០-២២ ខែធ្នូ ឆ្នាំ២០១៩។
យោងតាមសារលិខិតរបស់សម្តេចតេជោ ហ៊ុន សែន បានចាត់ទុកការរៀបចំបុណ្យសមុទ្រ មិនត្រឹមតែចូលរួមចំណែកក្នុងការផ្សព្វផ្សាយ ពីសក្តានុពលទេសចរណ៍ នៃខេត្តតំបន់ឆ្នេរសមុទ្រប៉ុណ្ណោះទេ ប៉ុន្តែថែមទាំងចូលរួមគាំទ្រគោលនយោបាយ របស់រាជរដ្ឋាភិបាលកម្ពុជា ក្នុងការអភិវឌ្ឍន៍ទេសចរណ៍ប្រកបដោយនិរន្តរភាព និងការទទួលខុសត្រូវខ្ពស់ លើកការប្តេជ្ញាចិត្តរួមមួយច្បាស់លាស់ ក្នុងការរក្សាតុល្យភាពរវាងប្រយោជន៍សេដ្ឋកិច្ច សង្គម បរិស្ថាន និងវប្បធម៌ប្រជាពលរដ្ឋមូលដ្ឋានផងដែរ។
រយៈពេលជាងមួយទសវត្សរ៍ចុងក្រោយនេះ កម្ពុជាបានឆ្លងកាត់នូវការផ្លាស់ប្តូរយ៉ាងច្រើនទាំងក្នុងទិដ្ឋភាព
នយោបាយ សន្តិសុខ សេដ្ឋកិច្ច និងសង្គម។ កម្ពុជាបានផ្លាស់ប្តូររូបភាពយ៉ាងឆាប់រហ័សពីអ្វីដែលធ្លាប់ស្គាល់ថាជាទឹកដីនៃវាលពិឃាតនិងសង្គ្រាម មកជាកម្ពុជាមួយដែលមានសុខសន្តិភាព ស្ថិរភាពនយោបាយ សន្តិសុខ សុវត្ថិភាពពេញលេញ និងមានការអភិវឌ្ឍរីកចម្រើនលើគ្រប់វិស័យ ព្រមទាំងបានក្លាយជាគោលដៅទេសចរណ៍លំដាប់ពិភពលោកប្រកបដោយក្តីសង្ឃឹមឆ្ពោះទៅរកអនាគតមួយដ៏រុងរឿងនិងត្រចះត្រចង់។ រាជរដ្ឋាភិបាលចាត់ទុកវិស័យទេសចរណ៍ជាវិស័យអាទិភាពជា “មាសបៃតង” រួមចំណែកយ៉ាងសំខាន់ដល់ការអភិវឌ្ឍសង្គម-សេដ្ឋកិច្ចជាតិ តាមរយៈការបង្កើត និងបង្កើនឱកាសការងារ បង្កើនប្រាក់ចំណូលជូនប្រជាពលរដ្ឋដោយផ្ទាល់និងដោយប្រយោល ជំរុញការនាំចេញនៅនឹងកន្លែង ទ្រទ្រង់កំណើនសេដ្ឋកិច្ច បង្កើនចំណូលជាតិ ពិសេសចូលរួមជួយដល់ការអភិរក្សវប្បធម៌ និងថែរក្សាការពារបរិស្ថាន ធនធានធម្មជាតិរបស់យើងប្រកបដោយប្រសិទ្ធភាព និងការទទួលខុសត្រូវខ្ពស់។
ជាមួយគ្នានេះ វិស័យទេសចរណ៍បាននិងកំពុងលើកកម្ពស់កិត្យានុភាពរបស់ព្រះរាជាណាចក្រកម្ពុជាលើឆាកអន្តរជាតិផងដែរ។ ជាក់ស្ដែង កម្ពុជាត្រូវបានស្ថាប័នអន្តរជាតិជាច្រើនបានវាយតំលៃជាគោលដៅទេសចរណ៍
លំដាប់ពិភពលោក ដែលនេះពិតជាបានឆ្លុះបញ្ចាំងយ៉ាងប្រត្យក្សពីសភាពការណ៍ពិតរបស់កម្ពុជានាពេលបច្ចុប្បន្ន
និងអច្ឆរិយភាពនៃកម្ពុជាជាគោលដៅទេសចរណ៍ វប្បធម៌និងធម្មជាតិ” ហើយកម្ពុជាបាននិងកំពុងក្លាយជាបេះដូងនិងជាគោលដៅទេសចរណ៍ដ៏ទាក់ទាញនៃតំបន់អាស៊ីនិងអាស៊ីអាគ្នេយ៍។ កាលពីឆ្នាំ២០១១ តំបន់ឆ្នេរសមុទ្រកម្ពុជា បានក្លាយជាសមាជិកក្លឹបឆ្នេរសមុទ្រដែលស្អាតបំផុតលើសកលលោក ហើយបាននិងកំពុងរួមចំណែកយ៉ាងសកម្មក្នុងការធ្វើឱ្យកម្ពុជាក្លាយជាគោលដៅទេសចរណ៍ប្រកបដោយឧត្តមភាពនិងប្រជាប្រិយភាពខ្ពស់ ព្រមទាំងចូលរួមចំណែកសម្រេចចក្ខុវិស័យអាស៊ានជាគោលដៅទេសចរណ៍លំដាប់ពិភពលោក និងប្រកបដោយភាពកក់ក្តៅ”ASEAN: the World-Class Destination Sh ASEAN: Feel the Warmthy mnis: asiqajáusigrnych ដើរតួនាទីយ៉ាងសំខាន់ ក្នុងការទាក់ទាញការវិនិយោគ និងត្រូវបានចាត់ទុកថាគោលដៅទេសចរណ៍ប្រកបដោយភាពប្រកួតប្រជែងខ្ពស់នៅកម្ពុជានិងក្នុងតំបន់។
ក្នុងបរិបទនេះ ការប្រារព្ធពិធីបុណ្យសមុទ្រ មិនត្រឹមតែចូលរួមចំណែកក្នុងការផ្សព្វផ្សាយពីសក្តានុពល
ទេសចរណ៍នៃខេត្តតំបន់ឆ្នេរសមុទ្រប៉ុណ្ណោះទេ ប៉ុន្តែថែមទាំងចូលរួមគាំទ្រគោលនយោបាយរបស់រាជរដ្ឋា ភិបាលកម្ពុជា ក្នុងការអភិវឌ្ឍទេសចរណ៍ប្រកបដោយនិរន្តរភាព និងការទទួលខុសត្រូវខ្ពស់ដោយឈរលើការប្តេជ្ញាចិត្តរួមមួយច្បាស់លាស់ក្នុងការរក្សាតុល្យភាពរវាងផលប្រយោជន៍សេដ្ឋកិច្ច សង្គម បរិស្ថាន និងវប្បធម៌ប្រជាពលរដ្មូលដ្ឋាន ដូចដែលត្រូវបានឆ្លុះបញ្ចាំងតាមរយៈប្រធានបទនៃពិធីបុណ្យសមុទ្រលើកទី៨នេះ គឺ “ទីក្រុងស្អាត ឆ្នេរល្អទេសចរណ៍រុងរឿង”។ ជាក់ស្តែងតំបន់ឆ្នេរសមុទ្រទទួលបានភ្ញៀវទេសចរអន្តរជាតិប្រមាណជាង១៥% នៃចំនួនទេសចរសរុបមកកម្ពុជា ដែលចំណែកទីផ្សារនេះបាននឹងកំពុងកើនឡើងជាលំដាប់ពីមួយឆ្នាំទៅមួយឆ្នាំ។ ឈរលើមូលដ្ឋាននៃកំណើននេះ ក៏ទាមទារឱ្យមានការគិតគូរ និងគ្រប់គ្រងឱ្យហ្មត់ចត់ ដោយត្រូវមានផែនការអភិវឌ្ឍនិងគ្រប់គ្រងទេសចរណ៍ ពិសេសស្របពេលដែលពិភពលោកទាំងមូលបាននឹងកំពុងប្រឈមនឹងការវិវត្តថ្មីៗឥតឈប់ឈរទាំងផ្នែកសេដ្ឋកិច្ច សង្គម និងបរិស្ថាន។ ដើម្បីឆ្លើយតបនឹងបញ្ហាប្រឈម ការយកចិត្តទុកដាក់ដល់ទស្សនទាននៃភាពស្អាតនិងបៃតង គឺពិតជាមានភាពចាំបាច់ ខណៈពេលដែលពិភពលោកកំពុងបោះជំហានទៅមុខនៅក្នុងសម័យកាលបៃតង។ ការអភិវឌ្ឍទេសចរណ៍តំបន់ឆ្នេរទាមទារចាំបាច់ឱ្យមានការ អភិវឌ្ឍទីក្រុងស្អាតទីក្រុងបៃតង ឆ្នេរស្អាត និងកោះបៃតង ដែលជាការគិតគូរខ្ពស់ដល់ការអភិរក្ស ថែរក្សាសម្បត្តិវប្បធម៌ ធនធានធម្មជាតិនិងបរិស្ថានប្រកបដោយនិរន្តរភាព។
ទីក្រុងជាប់ឆ្នេរគួរតែជា ទីក្រុងបៃតង-ទីក្រុងស្អាត មានន័យថាទីក្រុងដែលមានបរិស្ថាន អនាម័យ និងសណ្តាប់ធ្នាប់ល្អ គួបផ្សំនឹងហេដ្ឋារចនាសម្ព័ន្ធទ្រទ្រង់គ្រប់គ្រាន់ដែលផ្តល់នូវភាពកក់ក្តៅនិងមជ្ឈដ្ឋានរស់នៅល្អប្រសើរដល់ប្រជាជន និងភ្ញៀវទេសចរជាតិនិងអន្តរជាតិ។ ការអភិវឌ្ឍទីក្រុងតំបន់ឆ្នេរឱ្យក្លាយជាទីក្រុងបៃតង មិនត្រឹមតែកាត់បន្ថយផលប៉ះពាល់ជាអវិជ្ជមានដល់និរន្តរភាពនៃធនធានតំបន់ឆ្នេរប៉ុណ្ណោះទេ តែថែមទាំងជួយបង្កើនភាពទាក់ទាញដល់ភ្ញៀវទេសចរឱ្យមកទស្សនា និងកំសាន្តកាន់តែរុងរឿងថែមទៀតផង។
ក្នុងន័យនេះ យើងចាំបាច់ត្រូវ “រួមគិត រួមធ្វើ រួមទទួលខុសត្រូវ ក្នុងការអភិវឌ្ឍវិស័យទេសចរណ៍តំបន់
ឆ្នេរសមុទ្រកម្ពុជាឱ្យមាននិរន្តរភាព ហើយទីក្រុងជាប់ឆ្នេរត្រូវតែជាជ័យលាភីទីក្រុងស្អាត និងជ័យលាភីទីក្រុង
ទេសចរណ៍ស្អាតអាស៊ាន ស័ក្តិសមជា “ឆ្នេរសមុទ្រកម្ពុជា៖ តារារះនាទិសនិរតី”។
ឆ្លៀតក្នុងឱកាសនៃពិធីដ៏វិសេសវិសាលនេះ ខ្ញុំសូមអំពាវនាវដល់គ្រប់ក្រសួងស្ថាប័នពាក់ព័ន្ធ អាជ្ញាធរ
គ្រប់លំដាប់ថ្នាក់ កងកម្លាំងប្រដាប់អាវុធគ្រប់ប្រភេទ វីស័យឯកជន និងបងប្អូនជនរួមជាតិទាំងអស់ ចូលរួមឱ្យបានផុសផុលប្រកបដោយស្មារតីទទួលខុសត្រូវខ្ពស់ ធ្វើឱ្យពិធីបុណ្យសមុទ្រនៅឆ្នាំនេះប្រព្រឹត្តទៅប្រកបដោយ
ភាពជោគជ័យ។ លើសពីនេះទៀត ខ្ញុំក៏សូមអំពាវនាវដល់វិនិយោគិន ប្រតិបត្តិករទេសចរណ៍ ទេសចរជាតិនិង
អន្តរជាតិ អាជ្ញាធរមូលដ្ឋាន និងបងប្អូនប្រជាពលរដ្ឋចូលរួមឱ្យកាន់តែសកម្មចលនាប្រឡងប្រណាំង “ទីក្រុងស្អាតរមណីយដ្ឋានស្អាត សេវាល្អ បដិសណ្ឋារកិច្ចល្អ” និងសហការថែរក្សាសោភ័ណភាព អនាម័យ បរិស្ថាន ដែលជាកត្តាចម្បង មិនអាចខ្វះបានក្នុងការថែរក្សាតំបន់ឆ្នេរសមុទ្រឱ្យស្រស់ស្អាតគង់វង្សយូរអង្វែង ដើម្បីបន្ដទុកជាមរតកដល់កូនចៅជំនាន់ក្រោយ។
ខ្ញុំមានសង្ឃឹមយ៉ាងមុតមាំថា ការប្រារព្ធពិធីបុណ្យសមុទ្រនឹងជាកាលានុវត្តភាពដ៏ប្រសើរថ្មីមួយសម្រាប់កម្ពុជា
ក្នុងការធ្វើឱ្យទីក្រុងជាប់មាត់ឆ្នេរ និងឆ្នេរសមុទ្រកម្ពុជាក្លាយជាគោលដៅទេសចរណ៍ប្រកបដោយគុណភាពស្របនឹងពាក្យស្លោក “ឆ្នេរសមុទ្រកម្ពុជា៖ តារារះនាទិសនិរតី” ព្រមទាំងបង្កើនស្មារតីស្រឡាញ់ជាតិមាតុភូមិ សាមគ្គីភាពនិងមិត្តភាពផងដែរ។ ខ្ញុំសូមជូនពរឱ្យការប្រារព្ធពិធីបុណ្យសមុទ្រ នាឆ្នាំ២០១៩នេះ ប្រព្រឹត្តទៅយ៉ាងអធិកអធមនិងប្រកបដោយភាពសប្បាយរីករាយ៕ដោយ៖កូឡាប