ខេត្តព្រះសីហនុ៖ មន្ត្រីនគរបាលអន្តោប្រវេសន៍ នៃច្រកទ្វារអន្តរជាតិ កំពង់អន្តរជាតិក្រុងព្រះសីហនុ បានឲ្យដឹងថា នៅម៉ោង ៨ព្រឹកថ្ងៃទី៨ ខែធ្នូ ឆ្នាំ២០១៨នេះ មាននាវាទេសចរណ៍បរទេសមួយគ្រឿង បានដឹកភ្ញៀវទេសចរចម្រុះជាតិសាសន៍ចំនួន ២៦៨៣នាក់ ចូលមកទស្សនាប្រទេសកម្ពុជារយៈពេលមួយថ្ងៃ និងចូលចតកំពង់ផែក្រុងព្រះសីហនុ។
មន្ត្រីនគរបាលអន្តោប្រវេសន៍ច្រកទ្វារអន្តរជាតិកំពង់ផែក្រុងព្រះសីហនុ បានឲ្យដឹងថា នាវាទេសចរណ៍នេះ មាននាវិកចំនួន៩៨៩នាក់ មានដំណើរពីប្រទេសថៃ ចូលមកកម្ពុជា និងចាកចេញកម្ពុជា បន្តដំណើរឆ្ពោះទៅកាន់ប្រទេសសឹង្ហបុរី នៅវេលាម៉ោង ១៨ល្ងាចថ្ងៃអាទិត្យ ទី៨ ខែធ្នូ ឆ្នាំ២០១៩នេះ៕ ដោយ៖ ដែន សីមា