ម៉ានីល ៖ បើយោងតាមការផ្សាយរបស់ផេកហ្វេសប៊ុក Cambodia SEA GAMES 2023 ថា អបអរសាទរ កីឡាការិនីជឺជីតស៊ូ ខាន់ ចេសា ឈ្នះមេដាយមាសទី៤ ជួនកម្ពុជា ក្នុងព្រឹត្តិការណ៍កីឡាស៊ីហ្គេម លើកទី៣០ នៅប្រទេសហ្វីលីពីន មុននេះបន្តិច។ ស៊ីហ្គេម លើកទី៣០ ប្រទេសហ្វីលីពីន ផ្នែកកីឡាការិនីជឺជិតស៊ូកម្ពុជា គឺកញ្ញា ខាន់ ចេសា បានទទួលមេដាយមាសហើយ បន្ទាប់ពីបានយកឈ្នះលើកីឡាការិនីហ្វីលីពីន Napolis Jenna Kailaដែលជាម្ចាស់ផ្ទះ នៅមុននេះបន្តិច។
លោក វ៉ាត់ ចំរើន នាយបេសកកម្មកីឡាស៊ីហ្គេមរបស់កម្ពុជា បានបញ្ជាក់ថា ការប្រកួតវគ្គផ្ដាច់ព្រ័ត្រលើវិញ្ញាសាទម្ងន់ ៤៩គីឡូក្រាមនេះ ចេសា បានយកឈ្នះម្ចាស់ផ្ទះហ្វីលីពីន ទាំងប្រផិតប្រផើយ ពោលគឺមានប្រៀបទៅលើបច្ចេកទេស បន្ទាប់ពីការប្រកួតស្មើគ្នា ២-២ពិន្ទុ៕ដោយ៖កូឡាប
