ភ្នំពេញ៖ អធិការដ្ឋាននគរបាលខណ្ឌបឹងកេងកង បានឲ្យដឹងថា ក្នុងរយៈមួយថ្ងៃកម្លាំងនគរបាលខណ្ឌបឹងកេងកង ធ្វើការឃាត់ខ្លួន មនុស្ស៤នាក់ ៣បទល្មើសផ្សេងគ្នា ។
នៅម៉ោង១៧៖៣០នាទីល្ងាច ថ្ងៃទី៩ខែធ្នូឆ្នាំ២០១៩ ជនសង្ស័យ២នាក់ធ្វើសកម្មភាពឆក់កាបូបដៃ បានសសម្រេចរួចព្យាយាមជិះម៉ូតូគេចខ្លួន តែត្រូវបានប្រជាពលរដ្ឋឃើញស្រែកថាចោរៗ ធ្វើឲ្យជនសង្ស័យទាំង២នាក់ជិះជ្រុលទៅបុកម៉ូតូផ្សេងទៀត ស្របពេលជួបកម្លាំងល្បាត របស់ខណ្ឌបឹងកេងកង តែម្តងរួចក៏ការឃាត់ខ្លួន យកសាកសួរនៅអធិការដ្ឋាននគរបាលខណ្ឌ ជនសង្ស័យទាំង២ត្រូវឃាត់ខ្លួន និងរៀបចំឯកសុំណុំរឿងបញ្ជូនទៅតុលាការ។
នៅម៉ោង១៤៖៣០នាទីបុរសម្នាក់ត្រូវបានកម្លាំងនគរបាលខណ្ឌបឹងកេងកង ធ្វើការឃាត់ខ្លួន នៅចំណុច ផ្លូវលេខ៣០៤ សង្កាត់បឹងកេងកងទី២ ពីបទលួចម៉ូតូកាលពីថ្ងៃទី ៥ ខែធ្នូ ឆ្នាំ២០១៩ កន្លងទៅនេះ។
បុរសម្នាក់ត្រូវបានកម្លាំងនគរបាលខណ្ឌបឹងកេងកង ធ្វើការឃាត់ខ្លួនពីបទប្រើប្រាស់គ្រឿងញៀន នាម៉ោងជាង៣រំលងអធ្រាត្រ ឈានចូលថ្ងៃទី៩ ខែធ្នូ ឆ្នាំ២០១៩ នៅតាមដងផ្លូវ បន្ទាប់ពីឃាតខ្លួនកម្លាំងបាន រកឃើញថ្នាំមួយកញ្ចប់ និងសម្ភារៈប្រើប្រាស់មួយចំនួន។
ជនសង្ស័យទាំង៤នាក់ត្រូវបានឃុំខ្លួនបណ្តោះអាសន្ន និង រៀបចំឯកសារ បញ្ជូនទៅកាន់តុលាការ ដើម្បីកាត់ទោសទៅតាមផ្លូវច្បាប់៕ ដោយ៖កូឡាប
