ស្រុកព្រៃនប់៖ ជនជាតិចិនបើករថយន្តមិនប្រយ័ត្ន បណ្តាលឲ្យក្រឡាប់ផ្ទុះឆេះ របួសធ្ងន់ស្រាល ៥នាក់
នៅវេលាម៉ោង១ជាង រំលងអធ្រាត្រថ្ងៃទី១០ ធ្នូ ២០១៩ លើដងផ្លូវជាតិលេខ៤ នៅចន្លោះគីឡូម៉ែត្រលេខ១៥៨-១៥៩ភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ។
រថយន្តម៉ាកហាឡិនឌ័រ ផ្លាកលេខភ្នំពេញ2X.94 02 បើកបរដោយជនជាតិចិន ដែលមានទិសដៅ ពីខេត្តព្រះសីហនុ ទៅភ្នំពេញ ។ មកដល់ចំណុចខាងលើ រថយន្តដែលមានល្បឿនលឿន ក៏បានរេចង្កូតក្រឡាប់បោកមកខាងឆ្វេង បណ្តាលផ្ទុះឆេះ រងរបួសធ្ងន់ម្នាក់ ក្នុងចំណោមមនុស្ស០៥នាក់ ត្រូវបានរថយន្តសង្គ្រោះ ដឹកទៅខេត្តព្រះសីហនុ សង្គ្រោះបន្ត។ ចំណែករថយន្ត ត្រូវបានកម្លាំងស្នាក់ការ៤០១ និងប៉ូលិសប៉ុស្តិ៍ រដ្ឋបាលឃុំតានៃ យកចេញពីថ្នល់៕ដោយ៖បញ្ញាស័ក្តិ