មេដឹកនាំមីយ៉ានម៉ា អ្នកស្រី អ៊ុង សានស៊ូជីកំពុងស្ថិតនៅតុលាការយុត្តិធ៌មអន្តរជាតិ ដើម្បីការពារប្រទេសមីយ៉ានម៉ា ជុំវិញការចោទប្រកាន់ពីបទប្រល័យពូជសាសន៍ លើជនជាតិដើមភាពតិចរ៉ូហ៊ីងយ៉ា។
ជនជាតិរ៉ូហ៊ីងយ៉ាងរាប់ពាន់នាក់នៅក្នុងរដ្ឋរ៉ាឃីន ប្រទេសមីយ៉ានម៉ា ត្រូវបានសម្លាប់ និងជាង ៧០០.០០០នាក់បានរកភៀសខ្លួន ទៅកាន់ប្រទេសបង់ក្លាដេស ក្នុងអំឡុងមានការបង្រ្កាបរបស់យោធាមីយ៉ានម៉ា កាលពីឆ្នាំ ២០១៧។
ប្រទេសមីយ៉ានម៉ាតែងតែប្រកែកថា ការបង្រ្កាបនោះគឺដើម្បីទប់ទល់ទៅនឹងក្រុមសកម្មប្រយុទ្ធ។
ការប្តឹងមេដឹកនាំមីយ៉ានម៉ារូបនោះ ដែលធ្លាប់ឈ្នះពានរង្វាន់ Nobel សន្តិភាព បានធ្វើឡើងដោយប្រទេស Gambia ដែលជាប្រទេសមានអ្នកកាន់សាសនាអ៊ីស្លាមភាគច្រើន នៅអាហ្វិ្រចខាងលិច។ ប្រទេសនេះ តំណាងឲ្យប្រទេសកាន់សាសនាអ៊ីស្លាមជាច្រើន។
តើអ្វីជាការចោទប្រកាន់?
នៅដើមឆ្នាំ ២០១៧ មានជនជាតិរ៉ូហ៊ីងយ៉ាចំនួន ១លាននាក់នៅក្នុងប្រទេសមីយ៉ានម៉ារស់នៅក្នុងរដ្ឋរ៉ាឃីន ប៉ុន្តែប្រទេសមីយ៉ាម៉ា ដែលជាប្រទេសគោរពប្រតិបត្តិសាសនាព្រះពុទ្ធ បានចាត់ទុកពួកគេជាជនអន្តោប្រវេសន៍ខុសច្បាប់ និងបដិសេធការរស់នៅរបស់ពួកគេ។
ជនជាតិរ៉ូហ៊ីងយ៉ាបានត្អូញត្អែរពីការធ្វើទុក្ខបុកម្នេញជាយូរមកហើយ ហើយនៅឆ្នាំ ២០១៧ ក្រុមយោធាមីយ៉ាម៉ាបានធ្វើប្រតិបត្តិការយោធានៅក្នុងរដ្ឋរ៉ាឃីន។
បើតាមឯកសាររបស់ប្រទេស Gambia ដាក់ទៅតុលាការយុត្តិធ៌មអន្តរជាតិបានឲ្យដឹងថា យោធារងការចោទប្រកាន់ពីបទធ្វើប្រតិបត្តិការបោសសំអាតជាលក្ខណៈប្រព័ន្ធទៅលើជនជាតិដើមរ៉ូហ៊ីងយ៉ា ដោយចាប់ផ្តើមនៅខែតុលាឆ្នាំ ២០១៦ និងពង្រីករហូតដល់ខែសីហា ឆ្នាំ ២០១៧។
ញ្ញតិរបស់ប្រទេសនេះបានធ្វើការចោទប្រកាន់ថា ការបោសសំអាតគឺមានគោលបំណងបំផ្លាញក្រុមរ៉ូហ៊ីងយ៉ាទាំងស្រុង ឬជាផ្នែក តាមរយៈការសម្លាប់ ចាប់រំលោភ និងដុតផ្ទះរបស់ពួកគេ។
បេសកម្មស្វែងការពិតរបស់អង្គការសហប្រជាជាតិ ដែលបានធ្វើការស៊ើបអង្កេតលើការចោទប្រកាន់នោះ បានរូបភស្តុតាង ហើយបានលើកឡើងថា យោធាមីយ៉ាម៉ាត្រូវតែរងការស៊ើបអង្កេត ពីបទចោទប្រកាន់អំពើប្រល័យពូជសាសន៍ប្រឆាំងនឹងជនជាតិរ៉ូហ៊ីងយ៉ា។
សូមបញ្ជាក់ថា កាលពីខែឧសភា ទាហ៊ានមីយ៉ាម៉ាចំនួន ៧នាក់ដែលត្រូវបានផ្តន្ទាទោសដាក់គុក ពីបទសម្លាប់ជនជាតិរ៉ូហ៊ីយ៉ាងចំនួន ១០នាក់ ត្រូវបានដោះលែងឲ្យមានសេរីភាពវិញ។ មីយ៉ានម៉ានិយាយថា ប្រតិបត្តិការយោធាគឺមានគោដៅកម្ចាត់ក្រុមសកម្មប្រយុទ្ធរ៉ូហ៊ីងយ៉ា៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
