ខេត្តព្រះសីហនុ៖ រដ្ឋបាលខេត្តព្រះសីហនុ បានចេញលិខិតជូនដំណឹង ជម្រាបជូនដល់បងប្អូនប្រជាពលរដ្ឋ និងសាធារណជនជ្រាបថា រដ្ឋបាលខេត្តនេះ នឹងរៀបចំពិធីមួយមានឈ្មោះថា “ហោមពិធី និងបញ្ចុះថ្មព្រះភូមិ ក្នុងមង្គលស្តេចរាជសីហ៍” ប្រចាំក្រុងព្រះសីហនុ នៅថ្ងៃព្រហស្បតិ៍ ទី១២ ខែធ្នូ ឆ្នាំ២០១៩ វេលាម៉ោង ៧ព្រឹក នៅរង្វង់មូលតោ២ ស្ថិតក្នុងសង្កាត់លេខ៤ ក្រុងព្រះសីហនុ។
មន្ត្រីរដ្ឋបាលខេត្តព្រះសីហនុ បញ្ជាក់ថា ពិធីនេះក៏មានរៀបចំរាប់បាត្រប្រគេន ព្រះសង្ឃចំនួន៩៩អង្គ ដើម្បីសុំសេចក្តីសុខសប្បាយ នៅក្នុងទឹកដីខេត្តព្រះសីហនុ កុំឲ្យមានគ្រោះភ័យ និងសុំឲ្យមានសិរីសួស្តី មានអ្នកវិនិយោគចូលមកអភិវឌ្ឍន៍ លើទឹកខេត្តព្រះសីហនុ ឲ្យបានតែច្រើនជាបន្តទៀតនាថ្ងៃខាងមុខ។
តាមរយៈសេចក្តីជូនដំណឹងខាងលើនេះ រដ្ឋបាលខេត្តព្រះសីហនុ សូមគោរពអញ្ជើញបងប្អូនប្រជាពលរដ្ឋ និងសាធារណជនទាំងអស់ សូមអញ្ជើញមកចូលរួម និងទទួលផលអានិសង្ឃឲ្យបានគ្រប់ៗគ្នាបីបីខកឋានឡើយ៕ ដោយ៖ ដែន សីមា
