ភ្នំពេញ៖ លោក សុខសុវណ្ណ វឌ្ឍនាសាប៊ុង បានឲ្យដឹងថា នៅទីស្នាក់ការកណ្ដាល គណបក្សខ្មែរក្រោក ជារៀងរាល់ថ្ងៃ ពលរដ្ឋ ដែលមានបញ្ហានានា តែងតែមកប្ដឹង ផ្ដល់តម្រុយ លើភាពអសកម្ម និងភាពអយុត្តិធម៌ទាំងឡាយ មកឲ្យយើងខ្ញុំពិនិត្យ ស្រាវជ្រាវដើម្បីពាំនាំបញ្ហារបស់ពួកគាត់ទៅតស៊ូមតិ និងបញ្ជូនទៅប្រមុខរាជរដ្ឋាភិបាល ។ នេះបើតាមការផ្សាយព័ត៌មាន កាលពីថ្ងៃទី១១ធ្នូ លើបណ្តាញសង្គមរបស់លោក សុខសុវណ្ណ វឌ្ឍនាសាប៊ុង ហៅវីល្លាម ប្រធានគណបក្សខ្មែរក្រោក និងជាសមាជិកឧត្តមក្រុមប្រឹក្សាពិគ្រោះនិងផ្តល់យោបល់។
លោកថ្លែងបន្តថា ជាអ្នកបម្រើដ៏ស្មោះត្រង់របស់ប្រជាជន គឺតែងតែឆ្លៀតឱកាសជួបគាត់ ផ្ដល់ប្រឹក្សា ដើម្បីជាការផ្ដល់ភាពកក់ក្ដៅ ។
មានបញ្ហាច្រើនក្នុងសង្គម ដែលកើតឡើងដោយ ដៃរបស់ឈ្មួញទុច្ចរិត មន្ត្រីទុច្ចរិត ហើយវាបាន បង្កផលប៉ះពាល់ដល់ប្រជាជនយើងរួមទាំងបណ្ដាល ឲ្យធ្លាក់ចុះនូវសុខដុមនីយកម្មសង្គមយ៉ាងខ្លាំង តែខ្ញុំរីករាយនឹងចូលរួម នៅក្បែប្រជាពលរដ្ឋ ដើម្បី បម្រើពួកគាត់ឲ្យអស់ពីលទ្ធភាពក្នុងបេសកកម្ម រួមគ្នាកែទម្រង់សង្គមនេះឲ្យកាន់តែមានភាព ប្រសើរឡើង ៕ដោយ៖បញ្ញាស័ក្តិ
