ភ្នំពេញ៖ ស្នងការដ្ឋាននគរបាលរាជធានីភ្នំពេញ បានឲ្យដឹងថា កងកម្លាំងសមត្ថកិច្ចបង្រ្កាបករណីជួញដូរ និងប្រើប្រាស់គ្រឿងញៀនដោយខុសច្បាប់ ដោយបានឃាត់ខ្លួនជនសង្ស័យចំនួន30នាក់។
នៅថ្ងៃពុធទី១១ ខែធ្នូ ឆ្នាំ២០១៩ វេលាម៉ោង ២០ និង៤៥នាទី ដោយអនុវត្តតាមបទបញ្ជាជាប្រចាំរបស់លោក ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ រួមជាមួយការអនុញ្ញាតពីលោក សាយ ណូរ៉ា ព្រះរាជអាជ្ញារង បានឲ្យការិយាល័យប្រឆាំងគ្រឿងញៀន ចុះបង្ក្រាបជាក់ស្ដែងករណីជួញដូរ និងប្រើប្រាស់គ្រឿងញៀនខុសច្បាប់ នៅចំណុចផ្លូវរថភ្លើង(K6) សង្កាត់ស្រះចក ខណ្ឌដូនពេញ ឃាត់ខ្លួនជនសង្ស័យចំនួន30នាក់ ភេទប្រុស និងដកហូតវត្ថុតាងរួមមាន ក្រាមពណ៌សថ្លាសង្ស័យជាគ្រឿងញៀនចំនួន15កូនកញ្ចប់ថង់ (ធំ. 2 តូច. 13) ជញ្ជីង1គ្រឿង ឧបករណ៍កែច្នៃសម្រាប់ប្រើប្រាស់គ្រឿងញៀចំនួន3 និងថង់ច្រកគ្រឿងញៀនមួយចំនួន ដាវចំនួន1
ម៉ូតូ10គ្រឿង ម៉ូតូផាសអាប់3គ្រឿង និងម៉ូតូ1គ្រឿង រថយន្តកូរ៉េប្រាំតោន1គ្រឿង។
លោកព្រះរាជអាជ្ញារងសម្រេចឱ្យនាំខ្លួនជនសង្ស័យទាំង៣០នាក់ យកមកនៅការិយាល័យប្រឆាំងគ្រឿង ដើម្បីធ្វើការសាកសួរបន្តតាមនីតិវិធី៕ដោយ៖កូឡាប
