ឆ្នាំជូត
រាសីល្អជាមធ្យម។ នៅថ្ងៃនេះកិច្ចការងារធ្ងន់ស្រាលបើលោកអ្នកខិតខំពុះពារដោះស្រាយតែងសម្រេចជោគជ័យមកវិញផងដែរ។ សម្រាប់អ្នកប្រកបរបររកស៊ីជួញដូរវិញមានការប្រជែងគ្នាច្រើននិងពិសេសមានការប្រទាំងប្រទើសជាមួយអ្នកមានមុខរបរដូចគ្នាផងគប្បីមានការបើកចិត្តឱ្យទូលាយបន្តិចទើបគ្មានរឿងរ៉ាវចម្រូងចម្រាសកើតមានឡើង។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។
រីឯបញ្ហាសេចក្តីស្នេហាកំលោះក្រមុំមានការជឿនលឿនទៅមុខនិងផ្អែមល្ហែមប្រពៃ៕
ឆ្នាំឆ្លូវ
រាសីស្រុតចុះ។ នៅថ្ងៃនេះដោយសារដំណើរជីវិតមិនល្អប្រសើរដូចនេះបើទោះបីធ្វើអ្វីក៏ដោយតោងមានចិត្តត្រជាក់បើពុំនោះទេនឹងកើតបញ្ហាឬរឿងរាវជម្លោះកើតឡើងពុំខាន។ក្រៅពីនេះការប្រកបការងារត្រូវមានចិត្តត្រជាក់ហើយធ្វើមិនដឹងមិនឮចំពោះសម្តីមនុស្សខ្លះទើបសុខស្រួលខ្លួន។បើជាអ្នកប្រកបរបររកស៊ីជួញដូរពេលនេះមុខជំនួញឆ្ងាយជិតមានការប្រែប្រួលពីល្អមកអាក្រក់វិញបន្តិចដូច្នេះគួរមាន
ការប្រយ័ត្នប្រយែងឱ្យបានខ្លាំងក្លាពិសេសឱ្យប្រយ័ត្នគ្រោះចាញ់បោកគេតែម្តង។
រីឯបញ្ហាស្នេហាប្រុសស្រីជួបភាពប្រទាំងប្រទើសនិងប្រឆាំងគ្នាច្រើនព្រោះម្នាក់ៗយកភាពមានៈដាក់ខ្លួន៕
ឆ្នាំខាល
រាសីស្រុតចុះ។ នៅថ្ងៃនេះបើមានការសម្រេចចិត្តអ្វីបានល្អតែងទទួលផលមកវិញគ្រាន់ជាទីកក់ក្តៅ។អ្នកប្រកបរបររកស៊ីជួញដូរលោកអ្នកត្រូវចេះចាយវាយប្រាក់កាសក្បិតក្បៀតខ្លះកុំខ្ជះខ្ជាយដៃធំឱ្យសោះពីព្រោះបើមានប្រាក់ទុកក្នុងបង្វេចក្រែងអាចជួយដោះទាល់នូវរាល់គ្រាលំបាកនាគ្រាខាងមុខ។ការធ្វើដំណើរឆ្ងាយជិតជួបភាពប្រទាំងប្រទើសនិងមានបញ្ហាអាក្រក់យាយីច្រើនគប្បីប្រយ័ត្នប្រយែង។
រីឯបញ្ហាសេចក្តីស្នេហាកំលោះក្រមុំមានការរកាំចិត្តព្រោះតែម្នាក់ៗចង់ចាញ់ឈ្នះគ្នាមិនតិចនោះឡើយ៕
ឆ្នាំថោះ
រាសីខ្ពស់ត្រដែត។ នៅថ្ងៃនេះដោយសារដួងរាសីឡើងខ្ពស់ហេតុនេះបើជួបបញ្ហាលំបាកកន្លងមកនឹងមានសញ្ញាខ្លះៗថាបានធូរស្បើយខ្លះវិញផង។សម្រាប់អ្នកប្រកបរបររកស៊ីជួញដូរវិញមានការលូតលាស់គួរសម ហើយបើលោកអ្នកចង់បញ្ចេញទំនិញអ្វីមួយហើយមានការព្យាយាមទំនាក់ទំនងតែងសម្រេចជោគជ័យដូចគាប់បំណង។
រីឯបញ្ហាសម្ព័ន្ធស្នេហាកំលោះក្រមុំពេលនេះលោកអ្នកចង់ធ្វើការជ្រើសរើសគូស្រករតែងជោគជ័យដូចគាប់បំណង៕
ឆ្នាំរោង
រាសីស្រុតចុះ។ នៅថ្ងៃនេះដោយសារដួងរាសីស្រុតចុះហេតុនេះបើធ្វើអ្វីចូរប្រយ័ត្ននាំឱ្យប៉ះទង្គិចឆ្លងដល់ឆ្នាំក្រោយថែមទៀត។លោកអ្នកត្រូវអត់ធ្មត់តស៊ូបន្តិចទើបឆ្លងផលលំបាកទាំងនេះទៅរួច។ក្រៅពីនេះបើលោកអ្នកប្រកបរបររកស៊ីជួញដូរតែងជួបបញ្ហារាំងស្ទះហើយបើចង់លេងហ៊ុនអ្វីមួយក៏តែងផ្តល់ផលមិនល្អច្រើនផងដែរ។
រីឯបញ្ហាសេចក្តីស្នេហាកំលោះក្រមុំងាយកើតមានបញ្ហាចម្រូងចម្រាសនិងងាយកើតជម្លោះវិវាទណាស់៕
ឆ្នាំម្សាញ់
រាសីល្អជាមធ្យម។ នៅពេលនេះបើមានបញ្ហាអ្វីនឹងប្រែមកធូរស្បើយហើយបើបើមានឧបសគ្គនឹងរឿងរាវក៏ចាប់ផ្តើមអាចរកដំណោះស្រាយប្រសើរជាងមុនផងដែរ។អ្នកប្រកបរបររកស៊ីជួញដូរនៅថ្ងៃនេះវិញទោះជួញទីជិតឆ្ងាយផលចំណូលជួបការលំបាកបន្តិចពិសេសងាយត្រូវកើតទំនាស់ជាមួយអ្នកដទៃថែមទៀត ។
រីឯបញ្ហាសេចក្តីស្នេហាកំលោះក្រមុំបើមានការចូលស្តីដណ្តឹងឬរៀបអាពាហ៍ពិពាហ៍ជាពេលវេលាល្អប្រពៃបំផុត៕
ឆ្នាំមមី
រាសីខ្ពស់ត្រដែត។ នៅថ្ងៃនេះឆ្លងចូលខែតុលាហេតុនេះបើធ្វើអ្វីក៏តែងហុចផលល្អដល់ខែក្រោយថែមទៀត។កការធ្វើដំណើរឆ្ងាយជិតលោកអ្នកនឹងមានគេយល់ចិត្តនិងមានការអាណិតអាសូរផង។អ្នកប្រកបរបររកស៊ីជួញដូរឬធ្វើអ្វីមួយតែងមានការជឿនលឿនទៅមុខនិងមានជោគមានជ័យ។
រីឯបញ្ហាសេចក្តីស្នេហាកំលោះក្រមុំវិញបើមានជម្លោះវិវាទពេលនេះជាឱកាសល្អក្នុងការដោះស្រាយហើយ៕
ឆ្នាំមមែ
រាសីស្រុតចុះ។ នៅថ្ងៃនេះការធ្វើអ្វីមួយត្រូវមើលមុខក្រោយនិងប្រយ័ត្នប្រយែងទើបពុំចោទជាបញ្ហាឡើង។សម្រាប់ថ្ងៃនេះដែរដោយសារដួងរាសីប្រែប្រួលមកមិនល្អដូចនេះបើមានការណាត់ជួបនរណាម្នាក់លោកអ្នកគប្បីទៅឱ្យទាន់ពេលវេលាពីព្រោះថាអាចបាត់បង់ទាំងផលប្រយោជន៍ឬអតិថិជនផង។ការធ្វើដំណើរឆ្ងាយជិតចូរប្រយ័ត្នក្រុមមនុស្សបង្កបញ្ហាណាមួយមកទុកឱ្យ។
រីឯបញ្ហាសេចក្តីស្នេហាកំលោះក្រមុំមានការប្រឆាំងនិងចង់ចាញ់ឈ្នះគ្នាច្រើន៕
ឆ្នាំវក
រាសីល្អជាមធ្យម។ នៅថ្ងៃនេះ ដួងរាសីរបស់លោកអ្នកល្អជាមធ្យមដូចនេះឃើញថាបើចង់ដំណើរការងារអ្វីក៏តែងជឿនលឿនទៅមុខនិងមានជោគមានជ័យផង។បើជាអ្នកប្រកបរបររកស៊ីជួញដូរវិញការរកផលចំណូលជួបភាពប្រទាំងប្រទើសនិងពិសេសឱ្យប្រយ័ត្នគ្រោះចាញ់បោកគេថែមទៀត។ការធ្វើដំណើរឆ្ងាយជិតពេលទៅមានសុវត្តិភាពល្អប៉ុន្តែពេលត្រឡប់មកវិញគប្បីប្រយ័ត្នប្រយែងពីព្រោះងាយជួបបញ្ហាយាយីជាងសព្វមួយដង។
រីឯបញ្ហាសេចក្តីស្នេហាកំលោះក្រមុំមានការប្រឆាំងនិងបង្កជម្លោះគ្នាច្រើន៕
ឆ្នាំរកា
រាសីស្រុតចុះ។ នាថ្ងៃនេះ លោកអ្នកតែងត្រូវដោះស្រាយបញ្ហានិងមានឧបសគ្គខ្លះៗត្រូវឆ្លងកាត់ផង។បើជាអ្នកប្រកបរបររកស៊ីជួញដូរនៅថ្ងៃនេះវិញទោះជួញទីជិតឆ្ងាយការរកផលកម្រៃមិនឆ្លើយតបដូចសេចក្តីប្រាថ្នាទេឬអាចនិយាយបានថាគ្រាន់មួយចាយវាយទប់ទល់។ការធ្វើដំណើរឆ្ងាយជិតជួបភាពប្រទាំងប្រទើសនិងក្រុមមនុស្សបង្កបញ្ហាច្រើន។
រីឯបញ្ហាសម្ព័ន្ធស្នេហាប្រុសស្រីមានការនឹករលឹកនិងប្រាស្រ័យទាក់ទងគ្នាល្អតែការមានជម្លោះនោះក៏ងាយផ្ទុះឡើងដូចគ្នា៕
ឆ្នាំច
រាសីខ្ពស់ត្រដែត។ នៅថ្ងៃនេះបើលោកអ្នកសម្រុកការងារតែងងាយឆាប់ចប់និងទទួលផលលឿនថែមទៀត។សម្រាប់អ្នកប្រកបរបររកស៊ីជួញដូរនៅថ្ងៃនេះដែរដោយសារដួងរាសីល្អប្រសើរដូចនេះការប្រកបការងារតូចធំតែងហុចជាផលកម្រៃគ្រាន់ពេញចិត្តជានិច្ច។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
រីឯបញ្ហាសេចក្តីស្នេហាកំលោះក្រមុំមានការជឿនលឿននិងផ្អែមល្ហែមប្រពៃ៕
ឆ្នាំកុរ
រាសីល្អជាមធ្យម។ នៅក្នុងថ្ងៃនេះលោកអ្នកអាចទទួលរងផលលំបាកទាំងផ្លូវកាយនិងផ្លូវចិត្តដោយក្នុងនេះត្រូវប្រយ័ត្នក្រុមមនុស្សទាំងនៅពីចម្ងាយនិងនៅក្បែរខ្លួនផង។ចំពោះបើជាអ្នកប្រកបរបររកស៊ីជួញដូរនៅថ្ងៃនេះដែរលោកអ្នកត្រូវចេះសន្សំទ្រព្យល្អិតល្អោចឡើងទៅកុំខំប្រមូលតែទ្រព្យធំព្រោះថ្ងៃនេះសម្បូរតែទ្រព្យល្អិតល្អោចប៉ុណ្ណោះ។
រីឯបញ្ហាគូគ្រងប្តីប្រពន្ធឬគូស្នេហ៍កំលោះក្រមុំមានដំណើរថយក្រោយនិងប្រឆាំងគ្នាច្រើន៕
