មនុស្សយ៉ាងហោចណាស់ចំនួន ១នាក់បានស្លាប់ និង ២នាក់បាត់ខ្លួន នៅពេលដែលនាវាផ្ទុយកយន្តហោះរបស់រុស្សីឈ្មោះ Admiral Kuznetsov ត្រូវបានភ្លើងឆេះកាលពីព្រឹកថ្ងៃព្រហស្បតិ៍ ពេលធ្វើការជួសជុលនៅកំពង់ផែអាកទិច Murmansk។ នេះបើតាមការចុះផ្សាយរបស់ទីភ្នាក់ងារសារព័ត៌មានរដ្ឋរុស្សី។
ក្នុងហេតុការណ៍នោះដែរ ក៏បណ្តាលឲ្យមនុស្សចំនួន ១០នាក់រងរបួសផងដែរ។ រុស្សីមាននាវាផ្ទុកយន្តហោះតែមួយគ្រឿងនេះប៉ុណ្ណោះ។
ភ្លើងបានឆាបឆេះឡើង ខណៈពេលដែលជាងផ្សារដែលកំពុងធ្វើការជួសជុលនៅកន្លែងថាមពលទីមួយ។ ផ្សែងពណ៌ខ្មៅត្រូវបានគេមើលឃើញចេញពីជាន់ខាងលើនៃនាវានោះ។
សូមបញ្ជាក់ថា នាវាផ្ទុកយន្តហោះ Admiral Kuznetsov គឺជានាវាចំបាំងដ៏ធំបំផុតរបស់រុស្សី និងគឺជានាវាផ្ទុកយន្តហោះតែមួយ។
នាវានេះត្រូវបានដាក់ឲ្យធ្វើប្រតិបត្តិការប្រយុទ្ធដំបូងកាលពីឆ្នាំ ២០១៦ នៅសមុទ្រមេឌីទែរ៉ាណេ នៅពេលដែលយន្តហោះចំបាំងរុស្សីបានបើកការវាយប្រហារនៅក្នុងប្រទេសស៊ីរី។
នាវាដ៏ធំនេះត្រូវបានសាកសង់ឡើងក្នុងឆ្នាំ ១៩៨២ និងដាក់ឲ្យដំណើរការក្នុងឆ្នាំ ១០៩៥។ វាមានប្រវែង ៣០៥ម៉ែត្រ៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN