កំពង់ស្ពឺ៖ លោកពេជ្រ ស្រស់ ប្រធានគណបក្សយុវជនកម្ពុជា និងជាសមាជិកឧត្តមក្រុមប្រឹក្សាពិគ្រោះនិងផ្តល់យោបល់ តាមរយៈហ្វេសប៊ុកនៅថ្ងៃទី១៣ ខែធ្នូ ឆ្នាំ២០១៩ថា ខេត្តកំពង់ស្ពឺ ពិតជាព្រៃផ្សៃណាស់យកឈ្មោះក្រសួងធនធានទឹក ដើម្បីធ្វើស៊ីដីពលរដ្ឋមិនបានសម្រេច បែរទៅជាបង្កើតមនុស្សខ្មោចប្តឹងពលរដ្ឋទៅតុលាការយកដីពួកគាត់តែម្តង។
លោកពេជ្រ ស្រស់ បានលើកឡើងថា ករណីនេះកើតឡើងនៅភូមិទំនប់ ឃុំភក្តី ស្រុកបសេដ្ឋ ខេត្តកំពង់ស្ពឺ ដោយបងប្អូនចំនួន៨គ្រួសារកំពុងរងការគៀបស៊ីដីស្រែពួកគាត់ពីពួកទុច្ចរិតមួយក្រុមបានទៅគំរាមយកដីពួកគាត់តាមរយៈតុលាការខេត្តកំពង់ស្ពឺ ប៉ុន្តែមុនពេលក្រុមទុច្ចរិតទាំងនេះប្តឹងពលរដ្ឋដែលជាម្ចាស់ដីទៅតុលាការខេត្តកំពង់ស្ពឺ គឺថាពួកនេះបានយកឈ្មោះក្រសួងធនធានទឹកទៅគំរាមពលរដ្ឋ០៨គ្រួសារ ដើម្បីប្លន់ដីពួកគាត់មានទំហំ១០ហិកតា ដោយក្រុមទុច្ចរិតមួយក្រុមនេះប្រហែលមើលឃើញការយកឈ្មោះក្រសួងធនធានទឹកទៅប្លន់ដីពលរដ្ឋមិនបានសម្រេច ក៏ប្តូរវិធីប្លន់ថ្មី គឺរៀបវិធីប្លន់តាមរយៈតុលាការវិញម្តង ។ បើយោងតាមបងប្អូនពលរដ្ឋ០៨គ្រួសារឲ្យតម្រុយមកខ្ញុំថា មុនពេលមានរឿងនេះកើតឡើង គឺ មានអនុមេភូមិកូវ និង ក្រុមប្រឹក្សាឃុំភក្តី បានទៅសួរនាំពួកគាត់
ឲ្យលក់ដី ប៉ុន្តែពួកគាត់មិនព្រមលក់ទេ ដោយសារតែពួកគាត់រស់ទៅបានអាស្រ័យលើដីធ្វើស្រែនេះឯង ពលរដ្ឋបានបន្ថែមទៀតថា នៅពេលពួកគាត់មិនព្រមលក់ដីពួកគាត់ស្រាប់តែមានមានមនុស្សខ្មោច គឺបានប្តឹងពួកគាត់ចូលតុលាការខេត្តកំពង់ស្ពឺទៅវិញ ។
បើយោងតាមការរៀបខាងលើគឺប្រជាពលរដ្ឋបានឲ្យដឹងទៀតថា នៅពេលក្រោយប្តឹងពួកគាត់រួចស្រាប់តែមេឃុំគាត់បានបោះពាក្យសម្តីថាលក់ដី គឺលក់ឲ្យញញឹមកុំលក់ដីទាំងទឹកភ្នែក។
លោកថា ចំពោះករណីខាងលើនេះ គឺថា រូបខ្ញុំពេជ្រ ស្រស់ នឹងតាមដានស្រាវជ្រាវបើកវាំងននដ៏ខ្មៅងងឹតមួយនេះ ដើម្បីស្វែងរកយុត្តិធម៌ជូនពលរដ្ឋ ៨គ្រួសារឲ្យរួចផុតពីក្រញាំកញ្រ្ជោងបិសាច៕ដោយ៖កូឡាប
