ការម៉ាស្សាបែបប្រពៃណីថៃ ត្រូវបានដាក់បញ្ជូលទៅក្នុងបញ្ជីបេតិកភណ្ឌពិភពលោករបស់អង្ការយូនីស្កូ (UNISCO)។
ការម៉ាស្សាបែបប្រពៃណីថៃឈ្មោះ ណូដ (Nuad) ឥឡូវនេះបានក្លាយទៅជាបេតិកភណ្ឌវប្បធម៌អរូបីរបស់មនុស្សជាតិ។ ការម៉ាស្សានេះត្រូវបានប្រជាជនថៃអនុវត្តអស់ជាច្រើនជំនាន់មកហើយ។
នៅពេលដាក់ក្នុងបញ្ជីរបស់អង្គការយូនីស្កូ វានឹងត្រូវបានគេទទួលស្គាល់ ជាបេតិកភណ្ឌ ដែលត្រូវធ្វើការអភិរក្សាសម្រាប់មនុស្សជំនាន់ក្រោយថ្ងៃអនាគត។
មិនដូចការម៉ាស្សាធម្មតាផ្សេងៗទេ ការម៉ាស្សាបែបថៃមានចលនាជាច្រើន ដោយអ្នកម៉ាស្សាមិនត្រឹមតែប្រើប្រាស់ដៃប៉ុណ្ណោះទេ ពេលខ្លះពួកគេត្រូវប្រើប្រាស់កែងដៃ និងជង្គង់ដើម្បីធ្វើចលនាទៅលើដងខ្លួន។ ការម៉ាស្សាបែបនេះ គេមិនប្រើប្រាស់ប្រេងនោះទេ។
បើតាមអង្គារយូនីស្កូ ការម៉ាស្សាសម្រាប់អនុវត្តទៅលើការព្យាបាលខ្លួន ដែលប្រើប្រាស់ក្នុងសង្គមថៃពេលអតីតកាល ដែលគ្រប់ភូមិនីមួយៗសុទ្ធតែមានអ្នកម៉ាស្សា។ អ្នកភូមិតែងតែទៅរកពួកគេនៅពេលមានបញ្ហាឈឺសាច់ដុំដោយសារតែការធ្វើស្រែ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
