រាជធានីភ្នំពេញ ៖ មានសមត្ថកិច្ចពាក់ព័ន្ធចំណុះក្រសួងមហាផ្ទៃមេត្តាជ្រាបថា កន្លងទៅថ្មីៗនេះ មានសមាសភាពមួយចំនួនបានយកឈ្មោះនិងតាំងខ្លួនជាថ្នាក់ដឹកនាំរបស់អគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ ដើម្បីប្រើឥទ្ធិពលធ្វើសកម្មភាពនៅតាមស្ថាប័នអង្គភាពមួយចំនួនចំណុះរដ្ឋបាលខេត្តព្រៃវែង ខេត្តត្បូងឃ្មុំ ខេត្តកំពង់ឆ្នាំង និងខេត្តកំពង់ធំ ក្នុងរូបភាពជាការចុះដោះស្រាយ បណ្តឹងវិវាទកម្ម បង្គាប់បញ្ជា គំរាមកំហែងសម្អាតទារប្រាក់ និងដាក់កំហិតដល់មន្ត្រីរាជការស៊ីវិល និងកងកម្លាំងនគរបាលជាតិ។
បើតាមសេចក្តីប្រកាសព័ត៌មានរបស់អគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃនៅថ្ងទី២៥ខែធ្នូ ឆ្នាំ២០១៩បានបញ្ជាក់ថា អគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ មានកិត្តិយសសូមជម្រាបជូនសាធារណៈជន និងស្ថាប័នមានសមត្ថកិច្ចពាក់ព័ន្ធចំណុះក្រសួងមហាផ្ទៃមេត្តាជ្រាបថា កន្លងទៅថ្មីៗនេះ មានសមាសភាពមួយចំនួនបានយកឈ្មោះនិងតាំងខ្លួនជាថ្នាក់ដឹកនាំរបស់អគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ ដើម្បីប្រើឥទ្ធិពលធ្វើសកម្មភាពនៅតាមស្ថាប័នអង្គភាពមួយចំនួនចំណុះរដ្ឋបាលខេត្តព្រៃវែង ខេត្តត្បូងឃ្មុំ ខេត្តកំពង់ឆ្នាំង និងខេត្តកំពង់ធំ ក្នុងរូបភាពជាការចុះដោះស្រាយ បណ្តឹងវិវាទកម្ម បង្គាប់បញ្ជា គំរាមកំហែងសម្អាតទារប្រាក់ និងដាក់កំហិតដល់មន្ត្រីរាជការស៊ីវិល និងកងកម្លាំងនគរបាលជាតិ។
អគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ បានតាមដាននិងសិក្សាយ៉ាងយកចិត្តទុកដាក់ទៅលើ
ករណីខាងលើ និងបានពិនិត្យឃើញថា ពុំមានថ្នាក់ដឹកនាំឬមន្ត្រីណាម្នាក់របស់អគ្គនាយកដ្ឋានសវនកម្មផ្ទៃក្នុងបានប្រព្រឹត្តនូវទង្វើទាំងនេះឡើយ ព្រោះរាល់ការចុះទៅបំពេញបេសកកម្មការងាររបស់មន្ត្រី គឺសុទ្ធសឹងតែស្ថិតនៅក្រោមការតាមដាននិងត្រួតពិនិត្យ យ៉ាងហ្មត់ចត់។ ជាការពិតណាស់ សកម្មភាពទាំងនេះគឺជាចេតនាទុច្ចរិតដ៏ធ្ងន់ធ្ងរ ដែលមានបំណងជាក់លាក់បង្ខចកេរ្តិ៍ឈ្មោះថ្នាក់ដឹកនាំ និងមន្ត្រីរបស់អគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃ ។
អគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ សូមប្រកាសថ្កោលទោសចំពោះអំពើល្មើសទាំងនេះ និង
សូមស្នើដល់សាធារណៈជន ឯកឧត្តម លោកជំទាវ អស់លោក លោកស្រី នាងកញ្ញា ជាមន្ត្រីរាជការសាធារណៈ
និងកងកម្លាំងនគរបាលជាតិ មេត្តាសហការចូលរួមរាយការណ៍អំពីសកម្មភាពល្មើសច្បាប់ខាងលើ និងមុខសញ្ញាពាក់ព័ន្ធ មកអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ ដើម្បីចាប់ជនល្មើសយកមកផ្តន្ទាទោសតាមច្បាប់នៃព្រះរាជាណាចក្រកម្ពុជា៕ ដោយ៖កូឡាប