ខេត្តព្រៃវែង ៖សមត្ថកិច្ចស្រុកស៊ីធរកណ្តាលអនុវត្តដីកាបង្គាប់អោយចាប់មុខសញ្ញាលួចម្នាក់។ ជនល្មើសរូបនេះ មានដីកាចាប់ខ្លួនចំនួន៤។ នៅថ្ងៃទី២៦ ខែធ្នូ ឆ្នាំ២០១៩ នៅវេលាម៉ោង១៣និង២០នាទី នៅចំណុចផ្ទះឈ្មោះ ពៅ ផារី ភេទស្រី អាយុ៦១ឆ្នាំ នៅភូមិបឹងជ័រ ឃុំព្រៃទឹង ស្រុកស៊ីធរកណ្តាល សមត្ថកិច្ចស្រុកស៊ីធរកណ្តាល បានអនុវត្តតាមដីកាបង្គាប់អោយចាប់ខ្លួន ឈ្មោះ ស្រន់ ស្រ៊ាង ភេទប្រុស អាយុ៤៧ឆ្នាំ ចំនួន ៤ដីកា នៅថ្ងៃទី២៦ ខែធ្នូ ឆ្នាំ២០១៩ ដែលមានស្រុកកំណើតនៅភូមិបឹងជ័រ ឃុំព្រៃទឹង ស្រុកស៊ីធរកណ្ដាល ខេត្តព្រៃវែង ។
បច្ចុប្បន្នរស់នៅភូមិស្វាយអន្ទរទី១ ឃុំស្វាយអន្ទរ ស្រុកស្វាយអន្ទរ ខេត្តព្រៃវែង។ តាម ៖ -ដីកាទី១ ដីកាបង្គាប់ឲចាប់ខ្លួនលេខ០៣/១៩ ចុះថ្ងៃទី០៥ ខែមករា ឆ្នាំ២០១៩។ -ដីកាទី២ ដីកាបង្គាប់ឲចាប់ខ្លួនលេខ០៤/១៩ ចុះថ្ងៃទី០៩ ខែមករា ឆ្នាំ២០១៩ បង្គាប់ឲចាប់ខ្លួនឈ្មោះ ស៊ន់ ស្រ៊ាង ពីបទលួចមានស្ថានទម្ងន់ទោស ប្រព្រឹត្តនៅ ភូមិសត្វពង ឃុំសត្វពង ស្រុកឈួក ខេត្តកំពត ចេញដោយលោក អាំង សុភា ចៅក្រមស៊ើបសួរសាលាដំបូងខេត្តកំពត។ -ដីកាទី៣ ដីកាបង្គាប់ឲចាប់ខ្លួនលេខ១៥ដបចព្រ/ទ២០១៩ ចុះថ្ងៃទី២២ ខែមករា ឆ្នាំ២០១៩ ចេញដោយលោក សាំង សេរី ចៅក្រមស៊ើបសួរ សាលាដំបូងខេត្តព្រៃវែង ពីបទប្រើប្រាស់ឯកសារក្លែង។ -ដីកាទី៤ ដីកាបង្គាប់ឲចាប់ខ្លួនលេខ១៧០/១៩ ចុះថ្ងៃទី១៩ ខែសីហា ឆ្នាំ២០១៩ ឲចាប់ខ្លួនឈ្មោះ ស៊ន់ ស្រ៊ាង ពីបទប្រើប្រាស់ឯកសារក្លែង ចេញដោយលោក រស់ បូផាណា ចៅក្រមជំនុំជម្រះសាលាដំបូងខេត្តព្រៃវែង។
វត្ថុតាងរួមមាន ៖ ម៉ូតូម៉ាកហុងដាឌ្រីម C១២៥ ពណ៌ខ្មៅ សេរី២០២០ លេខតួ និងលេខម៉ាស៊ីន៥៦០៩០៣១ គ្មានស្លាកលេខចំនួន ១ គ្រឿង ស្លាកលេខម៉ូតូ ១៦ស្លាក និងឧបករណ៍សម្រាប់ប្រព្រឹត្តបទល្មើសមួយចំនួនទៀត។
បច្ចុប្បន្នមុខសញ្ញាខាងលើ និងវត្ថុតាងសមត្ថកិច្ចយកមករក្សាទុកនៅអធិការដ្ឋាននគរបាលស្រុកស៊ីធរកណ្ដាល ដើម្បីបំពេញសំណុំរឿងតាមនីតិវិធី៕ដោយ៖កូឡាប