ខេត្តព្រះវិហារ៖ បង្ក្រាបករណី ជួញដូរ គ្រឿងញៀន ដោយខុសច្បាប់ នូវសារធាតុញៀន ១លើក ដោយឃាត់ខ្លួន មុខ សញ្ញា សង្ស័យ ចំនួនម្នាក់រួមនឹងគ្រឿងញៀនជិត២០គីឡូ ត្រូវបញ្ជូនទៅតុលាការ។
សូមបញ្ជាក់ថា បង្ក្រាបករណីជួញដូរខុសច្បាប់ នូវសារធាតុញៀន នៅស្រុកជាំក្សាន្ត ខេត្តព្រះវិហារ កាល ពីថ្ងៃទី ២៥ ខែធ្នូ ឆ្នាំ២០១៩ វេលាម៉ោង ប្រហែល ១៤:៣០នាទី ត្រង់ចំណុចលើផ្លូវបេតុងចុះពីច្រកតំបន់អានសេះ ព្រំដែន កម្ពុជា-ថៃ ដល់មុខក្រុមហ៊ុនទ្រីភាព (តំណាក់សេមាន់) ។ លោក ឧត្ដមសេនីយ៍ ទោ សួស សុខដារ៉ា ស្នងការនគរបាលខេត្ត ព្រះវិហារបាន ទទួល បទ បញ្ជា ពី លោកនាយឧត្តមសេនីយ៍ សន្តិបណ្ឌិត នេត សាវឿន អគ្គ ស្នង ការ នគរបាល ជាតិ ឱ្យ សហការ ជា មួយ កម្លាំង ការិយាល័យ ជំនាញ (ក១) របស់ អគ្គស្នងការដ្ឋាន នគរបាលជាតិ ។ ចុះ បង្ក្រាបករណី ជួញដូរ គ្រឿងញៀន ដោយខុសច្បាប់ នូវសារធាតុញៀន ១លេីក ដោយឃាត់ខ្លួន មុខ សញ្ញា សង្ស័យ ចំនួនម្នាក់ ឈ្មោះ ពិន ទិស្សា ភេទប្រុស អាយុ ២៤ ឆ្នាំ មុខរបរ កសិករ រស់នៅភូមិ អានសេះ ឃុំ ជាំក្សាន្ត ស្រុក ជាំក្សាន្ត ខេត្តព្រះវិហារ និងដកហូតវត្ថុតាងរួមមាន ម្សៅក្រាមពណ៌សថ្លា ប្រភេទមេតំហ្វេតាមីន (ICE) ចំនូន ២០ កញ្ចប់ ធំ ស្មេី ១៩៩៧៥,៨៥ ក្រាម និង ម៉ូតូ ម៉ាក វ៉េវចំនួន០១ គ្រឿង ។ បច្ចុប្បន្នជនសង្ស័យនិងវត្ថុតាងបានបញ្ជូនទៅកាន់ស្នងការដ្ឋាន នគរបាលខេត្តព្រះវិហារ ដើម្បីកសាងសំណុំរឿងទៅអយ្យការអមសាលាដំបូងខេត្តចាត់ការតាមនីតិវិធីច្បាប់។ ទន្ទឹមនឹងនោះដែរលោកឧត្តមសេនីយ៍ទោ ស្នងការនគរបាលខេត្ត បានឧបត្ថម្ភថវិកាចំនួន ១លានរៀល និងប្រេងឥន្ធនៈចំនួន១០០លីត្រ ជូនដល់ការិយាល័យជំនាញ (ក១) របស់អគ្គស្នងការនគរបាលជាតិ ដើម្បីប្រើប្រាស់ក្នុងការស៊ើបអង្កេតបន្តទៀត៕ ដោយ៖កូឡាប