ក្រុងព្រះសីហនុ៖ ផ្ទុះការិះគន់ពីពលរដ្ឋ ករណីគ្រួសារមួយបានរៀបចំពិធីការកូនប្រុសស្រី ដោយបានសង់រោងការលើផ្លូវបេតុងមួយខ្សែ លេខ១២៦ ស្ថិតក្នុងភូមិ៣ សង្កាត់៤ ក្រុង/ខេត្តព្រះសីហនុ ដោយបានបិទផ្លូវជិតទាំងស្រុង ដែលធ្វើឲ្យប្រជាពលរដ្ឋមិនអាចធ្វើដំណើរបាន។ ករណីរដ្ឋបាលខេត្តព្រះសីហនុ បានសរសេរថា ក្នុងនាមជាប្រជាជន និងអ្នករស់នៅជិតខាងគ្នា អាចអធ្យាស្រ័យបាន ក៏គួរអធ្យាស្រ័យ ព្រោះកម្មវិធីបែបនេះ ក៏យើងមិនធ្វើគ្រប់ពេលដែរ មួយជីវិតរៀបចំម្ដង ។
ប្រជាពលរដ្ឋផ្ទុះការិះគន់ផ្ទះការមួយកន្លែងថ្លើមធំ ហ៊ានសងរោងកាលើផ្លូវ និងបិតផ្លវសាធារណៈទាំងស្រុង ប្រជាពលរដ្ឋឆ្ងល់ថាតើមានច្បាប់ ពីឋានណាឲ្យសង់រោងការបិតផ្លូវសាធារណៈបែបនេះ នៅព្រឹកថ្ងៃទី២៧ ខែធ្នូ ឆ្នាំ២០១៩ លើផ្លូវបេតុងលេខ១២៦ ស្ថិតក្នុងភូមិ៣ សង្កាត់៤ ក្រុង/ខេត្តព្រះសីហនុ។នេះបើតាមការផ្សាយរបស់ផេកហ្វេសប៊ុក ព័ត៌មានខេត្តព្រសីហនុ- Preah Sihanouk News នៅថ្ងៃទី២៧ខែធ្នូនេះ។
ជាមួយនឹងករណីខាងលើនេះ នៅរសៀលថ្ងៃទី២៧ធ្នូនេះ ផេកហ្វេសប៊ុកផ្លូវការរបស់រដ្ឋបាលខេត្តព្រះសីហនុ គឺប្រជាជន ខេត្តព្រះសីហនុ បានឆ្លើយតបវិញថា ជាគំនិតសម្រាប់សាធារណៈជនពិចារណា។ ការពិត ការរៀបចំបែបនេះប្រាកដណាស់ថា មិនត្រឹមត្រូវទេ ក៏ប៉ុន្ដែបើយើងពិនិត្យលក្ខណៈជាក់ស្ដែង នៅទីតាំងនេះ ចរាចរណ៍មិនសូវមមារញឹក និងមានផ្លូវតូចធំច្រើន ហេតុដូចនេះ ក្នុងនាមជាប្រជាជន និងអ្នករស់នៅជិតខាងគ្នា អាចអធ្យាស្រ័យបាន ក៏គួរអធ្យាស្រ័យ ព្រោះកម្មវិធីបែបនេះ ក៏យើងមិនធ្វើគ្រប់ពេលដែរ មួយជីវិតរៀបចំម្ដង ។ នេះគ្រាន់តែគំនិតចូលរួមប៉ុណ្ណោះ សម្រាប់បងប្អូនពិចារណា តាមការគួរ ។
ក៏ប៉ុន្ដែ អាជ្ញាធរមូលដ្ឋាន ក៏គួរពិនិត្យ សម្របសម្រួល មិនអាចបិទផ្លូវទាំងស្រុងបែបនេះនោះទេ គឺទុកផ្លូវសម្រាប់ម៉ូតូ រ៉ឺម៉ក់ ឡាន អាចបើកបរនៅម្ខាងផ្លូវ ៕ដោយ៖បញ្ញាស័ក្តិ
