ខេត្តព្រះសីហនុ៖ មន្ត្រីនគរបាលអន្តោប្រវេសន៍ប្រចាំច្រកទ្វារអន្តរជាតិ កំពង់ផែក្រុងព្រះសីហនុ បានឲ្យដឹងថា នៅម៉ោងជាង៥ព្រឹកថ្ងៃទី៣០ ខែធ្នូ ឆ្នាំ២០១៩នេះ មាននាវាទេសចរណ៍បរទេសមួយគ្រឿង បានចូលចតកំពង់ផែក្រុងព្រះសីហនុ។
នាវាខាងលើនេះ បានដឹកភ្ញៀវទេសចរចម្រុះជាតិសាសន៍ចំនួន ២០៤២នាក់ ដោយចូលមកទស្សនាប្រទេសកម្ពុជា រយៈពេលមួយថ្ងៃ។
មន្ត្រីនគរបាលច្រកទ្វារអន្តរជាតិកំពង់ផែក្រុងព្រះសីហនុ បានឲ្យដឹងបន្តថា នាវាទេសចរណ៍នេះមាននាវិកសរុប៧៩០នាក់ , មានដំណើរទេសចរណ៍មកពីប្រទេសវៀតណាម ចូលមកប្រទេសកម្ពុជា។ បន្ទាប់មកនាវានេះ នឹងបន្តដំណើរឆ្ពោះ ទៅកាន់ប្រទេសថៃជាបន្តទៀត នៅវេលាម៉ោង៦ល្ងាចថ្ងៃចន្ទ ទី៣០ ខែធ្នូ ឆ្នាំ២០១៩នេះ៕ ដោយ៖ ដែន សីមា