ភ្នំពេញ៖ រដ្ឋបាលជលផល នៅថ្ងៃទី៣០ខែធ្នូនេះ បានចេញសេចក្តីជូនដំណឹងបន្ថែម ស្តីពីរដូវធ្វើប្រហុក ផ្អក។
រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ មានកិត្តិយសសូមជម្រាបជូនដំណឹងបន្ថែម ដល់សាធារណជនឱ្យបានជ្រាបថា បន្ទាប់ពីបានធ្វើការតាមដាន លើស្ថានភាពទឹកក្នុងបឹងទន្លេសាបរួចមក ឃើញថាគន្លងដាយ នៅតាមដងទន្លេសាប ក្នុងភូមិសាស្រ្តរាជធានីភ្នំពេញ និងខេត្តកណ្តាល អាចនេសាទត្រីបានច្រើនបន្តទៀតក្នុងខែបុស្សគឺ ចាប់ពីថ្ងៃ៧កើត ដល់ថ្ងៃ១២កើត ត្រូវនឹងថ្ងៃទី១ រហូតដល់ថ្ងៃទី៦ ខែមករា ឆ្នាំ២០២០ ខាងមុខនេះ
ប្រសិនបើផ្ទៃមេឃស្រឡះល្អ គ្មានភ្លៀងកក់ខែ ឬទទួលរងនូវឥទ្ធិពលព្យុះ។
សេចក្តីជូនដំណឹងនេះ ចាត់ទុកជាការអញ្ជើញបងប្អូនប្រជាពលរដ្ឋដែលមានបំណងធ្វើប្រហុក ផ្អក
ត្រីឆ្អើរ។ល។ សម្រាប់ទុកបរិភោគប្រចាំឆ្នាំ មេត្តាអញ្ជើញមកទិញត្រីក្នុងខែបុស្សនេះទៀត ឱ្យបានរួសរាន់ តាមពេលវេលា
និងទីកន្លែង ដូចបានជម្រាបជូនខាងលើ។
ជាមួយគ្នានេះដែរ រដ្ឋបាលជលផល សូមសំណូមពរដល់អាជ្ញាធរមូលដ្ឋាន សមត្ថកិច្ចគ្រប់ជាន់ថ្នាក់
មេត្តាបង្កលក្ខណៈងាយស្រួល ជូនដល់ប្រជាពលរដ្ឋបានធ្វើដំណើរ ទៅមកស្នាក់នៅនិងដឹកជញ្ជូនផលិតផលត្រីកុំឱ្យ
មានការរាំងស្ទះ តាមការគួរ៕ដោយ៖កូឡាប
