ភ្នំពេញ៖ អង្គការ CPU នៅថ្ងៃទី៣១ខែធ្នូ បានឲ្យដឹងថា បន្ទាប់ពីមានការស៊ើបអង្កេតរួមគ្នាដោយសហការជាមួយបញ្ជាការដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នាយកដ្ឋានជំនាញកោសល្យវិច័យស្នងការដ្ឋាននគរបាលរាជធានីភ្នំពេញ និងក្រុមស៊ើបអង្កេត CPU បានឈានដល់ការឃាត់ខ្លួនបុរសម្នាក់ អាយុ ៣៨ ឆ្នាំ ហើយបច្ចុប្បន្នកំពុងត្រូវបានសាកសួរ ទាក់ទងនឹងករណីបុកមនុស្សស្លាប់កុមារពីរនាក់ កាលពីដើមខែនេះ។
បុរសម្នាក់អាយុ៣៨ឆ្នាំកំពុងផ្តល់ជំនួយ ដល់កម្លាំងសមត្ថកិច្ច ក្នុងការស៊ើបអង្កេតទៅលើករណីគ្រោះថ្នាក់ចរាចរណ៍ ដែលបណ្តាលឲ្យស្លាប់កុមារពីរនាក់។
បន្ទាប់ពីការស៊ើបអង្កេតរបស់នគរបាលចរាចរណ៍ និងសណ្តាប់ធ្នាប់សាធារណៈ, នាយកដ្ឋានបច្ចេកទេស និងវិទ្យាសាស្រ្ត, នគរបាលក្រុងភ្នំពេញ, និងក្រុមការងារស៊ើបអង្កេតបទល្មើសមនុស្សឃាតរបស់ CPU, បុរសម្នាក់មានអាយុ ៣៨ឆ្នាំ កំពុងផ្តល់ចម្លើយដល់កម្លាំងសមត្ថកិច្ច ពាក់ព័ន្ធជាមួយនឹងករណីគ្រោះថ្នាក់ចរាចរណ៍ ដែលបានបណ្តាលឲ្យស្លាប់ក្មេងពីរនាក់។
កម្លាំងសមត្ថកិច្ចក៏បានចាប់យក និងធ្វើការត្រួតពិនិត្យទៅលើរថយន្តប្រភេទ Toyota Highlander មួយគ្រឿង។ CPU សូមថ្លែងអំណរគុណដល់កម្លាំងសមត្ថកិច្ច ដែលបានចូលរួមធ្វើការស៊ើបអង្កេត និងការព្យាយាមស្វែងរកជនសង្ស័យ។
CPU ផ្តល់ជំនួយក្នុងការស៊ើបអង្កេតទៅលើគ្រប់បទល្មើសធ្ងន់ធ្ងរ ទៅលើកុមារគ្រប់ពេលវេលា។
ករណីគ្រោះថ្នាក់ចរាចរណ៍ បណ្តាលឲ្យស្លាប់កុមារពីរនាក់ ដោយគ្មានការទទួលខុសត្រូវ។
កាលពីថ្មីៗនេះ CPU បានផ្តល់ជំនួយក្នុងការរស៊ើបអង្កេត ទៅលើករណីគ្រោះថ្នាក់ចរាចរណ៍ បណ្តាលឲ្យស្លាប់ ដោយគ្មានការទទួលខុសត្រូវ។
នៅក្នុងថ្ងៃនេះ ក្រុមការងារស៊ើបអង្កេតបទល្មើសឃាតកម្ម (HIT) បានផ្តល់ជំនួយដល់ក្រសួងមហារផ្ទៃ និងនាយកដ្ឋានចរាចរណ៍ និងសណ្តាប់ធ្នាប់ ក្នុងការស៊ើបអង្កេតទៅករណីគ្រោះថ្នាក់ចរាចរណ៍ បណ្តាលឲ្យស្លាប់កុមារពីរនាក់ ដោយគ្មានការទទួលខុសត្រូវ។ ជនរងគ្រោះទាំងពីរនាក់មានអាយុ ១២ និង ១៣ឆ្នាំ។
HIT បានប្រើប្រាស់បច្ចេកទេសវិទ្យាសាស្រ្ត ដើម្បីពិនិត្យរថយន្តសង្ស័យ។ CPU មិនផ្តល់ត្រឹមតែជំនាញ ក្នុងការប្រើប្រាស់បច្ចេកទេសវិទ្យាសាស្រ្តតែប៉ុន្នោះទេ តែយើងផ្តល់ទាំងការបណ្តុះបណ្តាល នៅក្នុងពេលអនុវត្តបច្ចេកទេសទាំងនេះ។
ការស៊ើបអង្កេតនេះកំពុងតែបន្ត ហើយយើងនឹងផ្តល់ជំនួយចាំបាច់ឲ្យអស់ពីសមត្ថភាព។
CPU បានសហការជាមួយនគរបាលចរាចរណ៍ និងសណ្តាប់ធ្នាប់សាធារណៈ រួមជាមួយនឹងនាយកដ្ឋានបច្ចេកទេស និងវិទ្យាសាស្រ្តនៃក្រសួងមហាផ្ទៃ បានចុះទៅពិនិត្យកន្លែងកើ់តហេតុជាម្តងទៀត។ មន្ត្រីស៊ើបអង្កេតបានបន្តការប្រមូលភ័ស្តុតាង ដើម្បីធ្វើការកំណត់អត្តសញ្ញាណរថយន្ត។ ប្រតិបត្តិការស៊ើបអង្កេតនេះនៅកំពុងតែបន្ត។
សូមបញ្ជាក់ថា ហេតុការណ៍ដ៏រន្ធត់នេះ បានកើតឡើងតាំងពីថ្ងៃទី១១ ខែធ្នូ ឆ្នាំ២០១៩ ដែលមានទីតាំងស្ថិតនៅភូមិរនះ សង្កាត់កោះដាច់ ខណ្ឌជ្រោយចង្វា រាជធានីភ្នំពេញ។ យុវតីចំនួន ២នាក់ បានស្លាប់ភ្លាមៗនៅកន្លែងកើតហេតុ ដោយសាររថយន្តទំនើបបើកលឿនដូចហោះបុកពេញទំហឹង ស្របពេលដែលជនរងគ្រោះទាំងពីរនាក់ កំពុងជិះម៉ូតូឌុបគ្នាចេញពីរៀនភាសាអង់គ្លេស ហើយបន្ទាប់ពីបង្កហេតុរួច ជនបង្កបានបើករថយន្តគេចខ្លួន ដើម្បីរំដោះខ្លួនឲ្យរួចផុតពីការទទួលខុសត្រូវ។ ជនរងគ្រោះម្នាក់ឈ្មោះ ភ័ណ្ឌ ភីរ៉ាដា អាយុ១២ឆ្នាំ រៀនថ្នាក់ទី៧ និងម្នាក់ទៀតឈ្មោះ ខេន កូវ៉ា អាយុ១៣ឆ្នាំ រៀនថ្នាក់ទី៨។
ឧត្តមសេនីយ៍ឯក ស ថេត ស្នងការនគរបាល រាជធានីភ្នំពេញ បានថ្លែងប្រាប់នៅព្រឹកថ្ងៃទី៣១ ខែធ្នូ ឆ្នាំ២០១៩នេះថា ក្រោយពីទទួលបានបទបញ្ជាពីនាយឧត្តមសេនីយ៍ នេត សាវឿន អគ្គស្នងការនគរបាលជាតិ កម្លាំងសមត្ថកិច្ចរាជធានីភ្នំពេញ និងកម្លាំងជំនាញបានបើកការស្រាវជ្រាវ ឈានដល់ចាប់ឃាត់ខ្លួនជនបង្ក អ្នកបើក និងម្ចាស់រថយន្ត Highlander ពាក់ផ្លាកលេខ 2AG-7942 ពណ៌ទឹកមាស ដែលបើកបុកយុវតីសិស្សសាលា២នាក់ នៅសង្កាត់កោះដាច់ ខណ្ឌជ្រោយចង្វា រាជធានីភ្នំពេញ។ ជនបង្កឈ្មោះ សូត្រ អាយុ៣៨ឆ្នាំ និងម្ចាស់រថយន្តឈ្មោះ សុខ នៅ អាយុប្រមាណ៦០ឆ្នាំ៕ ដោយ៖កូឡាប
