បន្ទាយមានជ័យ៖ ស្នេហាត្រីកោណនៅផ្ទះសំណាក់មួយ ក្នុងក្រុងប៉ោយប៉ែត បង្កឲ្យមានការផ្អើលគេទាំងព្រឹក ដោយសារប្តីអភ័ព្វ បានតាមទាន់ប្រពន្ធរបស់ខ្លួននាំប្រុសសហាយចូលផ្ទះសណាក់ ធ្វើឲ្យបុរសជាប្តីមានកំហឹងយ៉ាងខ្លាំង ដេញវាយប្រុសសហាយរត់បាតជើងសព្រាត។
យោងតាមផេកហ្វេសប៊ុក សារព័ត៌មានទស្សនៈមហាជន Page បានបង្ហោះវីដេអូនិងរូបភាព នៅថ្ងៃទី១ ខែមករា ឆ្នាំ២០២០ ថា ស្នេហាត្រីកោណនៅផ្ទះសំណាក់ ផ្អើលគេទាំងព្រឹក ថ្ងៃទី១ មករា ២០២០ ប្រពន្ធនាំ សហាយចូលផ្ទះសណាក់ យីហោសេះមាស មួយកន្លែងនៅខាងជើងផ្លូវជាតិលេខ៥ ក្នុងភូមិ បាលិលេយ្យ១ សង្កាត់ -ក្រុងប៉ោយប៉ែត ខេត្តបន្ទាយមានជ័យ។ អ្នករត់ម៉ូតូឌុបប្រចាំផ្ទះសំណាក់ខាងលើ បានប្រាប់ថា ប្តីមកតាមទាន់ប្រពន្ធមានសហាយនៅផ្ទះសំណាក់ខាងលើ ដោយដឹងពីកូនអ្នកប្រាប់ ហើយប្តីមកដល់ផ្ទះសំណាក់ ដឹងថាប្រពន្ធបានដេកជាមួយសហាយ បានចាក់សោពីក្រៅបន្ទប់ ហើយក៏តេហៅសមត្ថកិច្ច មិនដឹងថាយ៉ាងណា បានជាសហាយនោះ បានចេញពីបន្ទប់ មកក្រៅ ហើយក៏បានគប់ដុំថ្មទៅបុរសជាប្តី ហើយប្តីនោះបានទាញញញួ ដែលគេដាក់លក់គ្រឿងខ្ចៅខ្យង នៅជិតនោះ បានទាញដេញ សហាយប្រពន្ធរត់បាតជើងសព្រាត។ បងបង្កើតបុរសជាប្តី បានប្រាប់ឲ្យដឹងថា ប្អូនគាត់សព្វថ្ងៃរស់នៅ ជាមួយម្តាយបង្កើត នៅភូមិព្រៃព្រិច។ ប្អូនគាត់បានយកអាសហាយនោះ មករស់នៅលើផ្ទះជាមួយ គាត់មានការសង្ស័យ ទៅលើអ្នកទាំងពីរ ខាងលើនោះដែរ ថាប្តីទៅធ្វើការបាត់ប្រពន្ធនៅផ្ទះ សង្ស័យអីៗហ្នឹងគ្នា ទើបមកដល់ថ្ងៃនេះដឹងពិតមែន៕ ដោយ៖បញ្ញាស័ក្តិ
