ខេត្តស្វាយរៀងៈបុរសម្នាក់់់់បានស្លាប់ដោយសារធ្វើអត្តឃាត ដោយបានយកខ្សែនីឡុងចងកសម្លាប់ខ្លួន ក្រោយពេលដែលខ្លួនមិនគិតខំរកស៊ីនោះទេ គិតតែដើរលេងហើយត្រូវបានឪពុកម្តាយស្តីបន្ទោស។
សមត្ថកិច្ចបានឱ្យដឹងថាៈ នៅថ្ងៃទី១ ខែមករា ឆ្នាំ២០២០វេលាម៉ោង៩និង០០នាទីព្រឹក មានឈ្មោះវ៉ា សេត ភេទប្រុសអាយុ៣២ឆ្នាំ រស់នៅភូមិត្រពាំងពពេល ឃុំអំពិល ស្រុករមាសហែក ខេត្តស្វាយរៀង បានធ្វើអត្តឃាតចងកសម្លាប់ខ្លួន ដោយខ្សែនីឡុងជាប់នឹងដើមព្រីង ដែលនៅជាប់របងខាងត្បូងផ្ទះ ។
ប្រភពដដែលបានបន្តថាៈ តាមការសាកសួរពីសំណាក់ឪពុកម្តាយថា គាត់បានស្តីប្រដៅបន្តិចបន្តួច ពីព្រោះជនរងគ្រោះជាកូនដើរលេងពេក។ ហើយសាកសពនេះ តាមការពិនិត្យរបស់នគរបាលផ្នែកជំនាញ និងគ្រូពេទ្យនៃមន្ទីរពេទ្យបង្អែកស្រុករមាសហែក គឺស្លាប់ដោយធ្វើអត្តឃាតចងកសម្លាប់ខ្លួនឯងពិតប្រាកដមែន។ បច្ចុប្បន្នសាកសពត្រូវបានសមត្ថកិច្ច ប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕ដោយ៖ វ៉ៃកូ
