ខេត្តស្វាយរៀង៖ ជនសង្ស័យ៣នាក់ត្រូវបានកម្លាំងនគរបាលខេត្តស្វាយរៀង បានធ្វើការចុះបង្ក្រាបករណីជួញដូរប្រើប្រាស់គ្រឿងញៀន យ៉ាងសកម្ម កាលពីវេលាម៉ោង៤និង៣០នាទីរសៀល នៅថ្ងែទី៣១ ខែឆ្នូ ឆ្នាំ២០១៩ នៅចំណុច ភូមិខ្ជាយ ឃុំរមាំងថ្កោល ស្រុកស្វាយទាប ខេត្តស្វាយរៀង ។
សមត្ថកិច្ចបានឲ្យដឹងថាៈ ជនសង្ស័យមានទី១/ ឈ្មោះសុខ យូ អាយុ២២ឆ្នាំ មុខរបរមិនពិតប្រាកដ រស់នៅភូមិទន្លៀង ឃុំរមាំងថ្កោល ស្រុកស្វាយទាប ខេត្តស្វាយរៀង។ ទី២/ឈ្មោះ ហ៊ុន សុភាវី អាយុ២៧ឆ្នាំ មុខរបរមិនពិតប្រាកដ និង ទី៣/ឈ្មោះ សោម សៅបូរ៉ា ភេទប្រុស អាយុ២៣ឆ្នាំមុខរបរ មិនពិតប្រាកដ រស់នៅភូមិទន្លៀង ឃុំរមាំងថ្កោល ស្រុកស្វាយទាប ខេត្តស្វាយរៀង។
ប្រភពបន្តថា ក្រោយពីឃាត់ខ្លួនកម្លាំងជំនាញ បានធ្វើតេសទឹកនោមពិនិត្យឃើញមានសារធាតុញៀនទាំង៣នាក់ និងសម្ភារដកហូតរួមមាន៖ ទូរស័ព្ទដៃចំនួន០៣គ្រឿង ម៉ូតូចំនួន២គ្រឿងផងដែរ។
ប្រភពបានបន្តថា ប្រតិបត្តិការនេះបានធ្វើឡើង ដឹកនាំដោយលោក នាយការិយាល័យប្រឆាំងគ្រឿងញៀន ខេត្តស្វាយរៀង បានសហការជាមួយកម្លាំងប៉ុស្តិ៍រដ្ឋបាល ឃុំរមាំងថ្កោល រហូតឈានទៅរកបានឃាត់ខ្លួនតែម្ដង។
បច្ចុប្បន្នជនសង្ស័យទាំង៣នាក់ ត្រូវបានសមត្ថកិច្ចបញ្ជូនទៅការិយាល័យនគរបាលជំនាញ ចាត់ការបន្តតាមច្បាប់៕ដោយ៖ វ៉ៃកូ