ភ្នំពេញ៖ ក្រសួងព័ត៌មាននឹងរៀបចំពិធីជួបជុំរវាង សម្តេចតេជោប្រមុខរាជរដ្ឋាភិបាលកម្ពុជា ជាមួយអ្នកសារព័ត៌មានក្នុងស្រុក ដើម្បីបង្កើនភាពស្និទ្ធស្នាលរវាងរាជរដ្ឋាភិបាល ជាមួយអ្នកសារព័ត៌មានដែលមិនអាចខ្វះបាន និងបង្ហាញពីការយកចិត្តទុកដាក់របស់រាជរដ្ឋាភិបាល ក្នុងការលើកតម្កើងសិទ្ធិសេរីភាពខាងសារព័ត៌មាន ជាពិសេសលើកទឹកចិត្តដល់អ្នកសារព័ត៌មានដែលកំពុងបំពេញភារកិច្ចនៅក្នុងព្រះរាជាណាចក្រកម្ពុជា។
សូមអញ្ជើញ ឯកឧត្តម លោកជំទាវ អភិបាលនៃគណៈអភិបាលរាជធានី-ខេត្ត និងសហការី (អ្នកនាំពាក្យ
ចំនួន៣រូប ចូលរួមពិធីជួបជុំរវាង សម្តេចតេជោនាយករដ្ឋមន្ត្រីនៃព្រះរាជាណាចក្រកម្ពុជា និងអ្នកសារព័ត៌មានក្នុងស្រុកលើក ទី៤។
យោង៖ លិខិតលេខ ១៨០៣ សជណ ចុះថ្ងៃទី០៦ ខែធ្នូ ឆ្នាំ ២០១៩ របស់ទីស្តីការគណៈរដ្ឋមន្ត្រី ។
លោករដ្ឋមន្ត្រីក្រសួងព័ត៌មាន បានបញ្ជាក់ថា តាមកម្មវត្ត និងយោងខាងលើ ខ្ញុំសូមជម្រាប ឯកឧត្តម លោកជំទាវ គណៈអភិបាលរាជធានី ខេត្ត ជ្រាបថា ក្រសួងព័ត៌មាននឹងរៀបចំពិធីជួបជុំរវាង សម្តេចតេជោប្រមុខរាជរដ្ឋាភិបាលកម្ពុជា ជាមួយអ្នកសារព័ត៌មានក្នុងស្រុក ដើម្បីបង្កើនភាពស្និទ្ធស្នាលរវាងរាជរដ្ឋាភិបាល ជាមួយអ្នកសារព័ត៌មានដែលមិនអាចខ្វះបាន និងបង្ហាញពីការយកចិត្តទុកដាក់របស់រាជរដ្ឋាភិបាល ក្នុងការលើកតម្កើងសិទ្ធិសេរីភាពខាងសារព័ត៌មាន ជាពិសេសរលើកទឹកចិត្តដល់អ្នកសារព័ត៌មានដែលកំពុងបំពេញភារកិច្ចនៅក្នុងព្រះរាជាណាចក្រកម្ពុជា រួមទាំងឥស្សរជនដែលសកម្មក្នុងការបម្រើសង្គម។ ក្នុងន័យនេះ ខ្ញុំសូមអញ្ជើញ ឯកឧត្តម លោកជំទាវ និងសហការី (អ្នកនាំពាក្យ ចំនួន០៣រូប ចូលរួមពិធីខាងលើនៅថ្ងៃអង្គារ ៦ រោច ខែបុស្ស ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី១៤ ខែមករា ឆ្នាំ២០២០ វេលាម៉ោង ១៧និង០០ នាទីរសៀល នាមជ្ឈមណ្ឌលសន្និបាត និងពិព័រណ៍កោះពេជ្រ។
សូមចាត់បញ្ជូនឈ្មោះអ្នកដែលត្រូវចូលរួមយ៉ាងយូរត្រឹមថ្ងៃសុក្រ ទី១០ ខែមករា ឆ្នាំ២០២០ មកអគ្គនាយកដ្ឋាន
ព័ត៌មាន និងសោតទស្សន៍ នៃក្រសួងព័ត៌មាន ដើម្បីក្រុមការងាររៀបចំប័ណ្ណសម្រាប់ចូលរួមពិធីខាងលើ៕
ដោយ៖កូឡាប