ភ្នំពេញ៖ លោកវីល្លាម ប្រធានគណបក្សខ្មែរក្រោក បានសរសេរសារលើហ្វេសប៊ុក នៅថ្ងៃទី២មករានេះថា យុវនិស្សិត៣ រូប ក្នុងចំណោម៥រូប បានមកជួបខ្ញុំដាក់ពាក្យប្ដឹងជាផ្លូវការមកសមាជិកឧត្តមក្រុមប្រឹក្សា ចំពោះភាពមិនប្រក្រតី លេីនីតិវិធីនៃការប្រឡង ប្រកួតប្រជែងសិស្សចៅក្រមជំនាន់ទី១០ ដែលរៀបចំដោយ ក្រសួងយុត្តិធម៌ និងរាជបណ្ឌិតសភាវិជ្ជាជីវៈតុលាការ ។
លោកបានថ្លែងថា ផ្អែកតាមពាក្យបណ្ដឹងនេះ ជាមូលដ្ឋាននាំអោយយេីងខ្ញុំមានសមត្ថកិច្ចគ្រប់គ្រាន់នឹងតាមដាន សេីរេី ពិនិត្យចំពោះការប្រឡងប្រជែងសិស្សចៅក្រមដែលពោរពេញដោយភាពចម្រូងចម្រាស់នេះផងដែរ។
សូមគូសបញ្ជាក់ថា ៖ កន្លងមកមានការលេចចេញនៅរូបភាពជាតម្រុយមួយចំនួនពាក់ព័ន្ធនឹងឯកសាមិនប្រក្រតីរបស់ បេក្ខជនឈ្មោះ សយ យូ សុមនា ក្នុងនីតិវិធីនៃការស្នេីសុំប្រឡងប្រជែងសិស្សចៅក្រមនេះ ។
ដោយឡែក ៖ លេីវិស័យយុត្តិធម៌នៅកម្ពុជាពលរដ្ឋគ្រប់រូបសុទ្ធតែបានដឹងក្នុងចិត្តយ៉ាងច្បាស់អំពីគុណភាពនឹងការជឿទុកចិត្តលេីវិស័យនេះ ដូចនេះហេីយទេីបពលរដ្ឋសង្ឃឹមថា ការកែទំរង់លេីវិស័យយុត្តិធម៌នេះជាមូលដ្ឋានចាំបាច់បំផុត ដែលគ្រប់គ្នាត្រូវការយ៉ាងខ្លាំង ។
បេីគ្រាន់តែនីតិវិធីប្រឡងសិស្សចៅក្រមមានភាពមិនប្រក្រតីទៅហេីយ អោយពលរដ្ឋសង្ឃឹមអ្វី។
បើយោងតាមសេចក្តីជូនដំណឹងរបស់ក្រុមប្រឹក្សាជាតិប្រឆាំងអំពើពុករលួយ ក្នុងកិច្ចប្រជុំលើកទី៥៣ អាណត្តិទី២ នៃក្រុមប្រឹក្សាជាតិប្រឆាំងអំពើពុករលួយ (ក.ជ.ប.ព.)នៅថ្ងៃទី២៧ ខែធ្នូ ឆ្នាំ២០១៩។
ក្រុមប្រឹក្សាជាតិប្រឆាំងអំពើពុករលួយ ក៏បានស្តាប់ របាយការណ៍ការងារប្រចាំខែធ្នូ ឆ្នាំ២០១៩ ដែលលើកឡើងដោយ លោកទេសរដ្ឋមន្ត្រី ឱម យិនទៀង ប្រធានអង្គភាពប្រឆាំងអំពើពុករលួយ និងករណីសិស្សចៅក្រមជំនាន់ទី១០ កញ្ញា សយ យូសុមនា ដែលរាយការណ៍លំអិតដោយលោកស្រី អ៊ូ ស៊ីថា ប្រធាននាយកដ្ឋានអប់រំ បង្ការ និងទប់ស្កាត់ នៃអង្គភាពប្រឆាំងអំពើពុករលួយ ។
ក្រុមប្រឹក្សាជាតិប្រឆាំងអំពើពុករលួយ បានវាយតម្លៃខ្ពស់ ការរៀបចំប្រឡងប្រជែងសិនជំនាន់ទី១០ ដែលក្រសួងយុត្តិធម៌ រាជបណ្ឌិតសភាវិជ្ជាជីវៈតុលាការ និងសាលាវិជ្ជាជី បាត់ដំណើរការ ពិតជាមានតម្លាភាព យុត្តិធម៌ និងត្រឹមត្រូវតាំងពីដំណាក់កាលមុនទេ ក្រោយពេលប្រឡង ។ ក្រុមប្រឹក្សាជាតិប្រឆាំងអំពើពុករលួយពិនិត្យឃើញថាវិញ្ញាសារបស់បេក្ខជនម្នាក់ៗត្រូវបានកែដោយគ្រូកំណែមានអធិបតេយ្យចំនួន ២ រូប ហើយបូកបញ្ចូលគ្នា ចែកយកពិន្ទមធ្យមភាគសម្រាប់ប្រជែងគ្នា ។ ក្រៅពីនោះគ្រប់ផ្នែកនៃការប្រឡងលើកទី១០នេះ ក៏សុទ្ធតែបានដំណើរការដោយយកចិត្តទុកដាក់ មិនមានអ្វីខុស ខ្វះខាតចន្លោះ ហើយសូម្បីតែវិញ្ញាសារសួរផ្ទាល់មាត់ ក៏មានមន្ត្រីអង្គភាពប្រឆាំងអំពើពុករលួយនៅជាមួយ ធ្វើការសង្កេតការណ៍ដែរ ។ ក្រុមប្រឹក្សាជាតិប្រឆាំងអំពើពុករលួយ វាយតម្លៃខ្ពស់ការយក ចិត្តទុកដាក់ប្រកាសព័ត៌មានភ្លាមៗពីរាជបណ្ឌិតសភាវិជ្ជាជីវៈតុលាការ និងការអញ្ជើញមកបំភ្លឺជូនបេក្ខជនតវ៉ា៦រូប ពីសំណាក់ ថ្នាក់ដឹកនាំជាន់ខ្ពស់ និងថ្នាក់ដឹកនាំសំខាន់ៗរបស់ក្រសួងយុត្តិធម៌ មានលោករដ្ឋលេខាធិការ កើត រិទ្ធ លោក ផូវ សំភី (លោក កើត រិទ្ធ ក៏ជាប់បាក់ឌុបនៅអាយុ ១៦ឆ្នាំ – លោក ផូវ សំភី ក៏ចេញបង្រៀននៅមហាវិទ្យាល័យនៅអាយុ២៣ឆ្នាំដែរ) ៕ ដោយ៖កូឡាប