ភ្នំពេញ៖ រាជរដ្ឋាភិបាលបានចេញ សជណ អោយក្រសួងបរិស្ថានដោះស្រាយលេីករណីទំនាស់ដីធ្លី របស់ពលរដ្ឋឈ្មោះ ហុឹង ម៉ូលី បន្ទាប់ពីពលរដ្ឋបានប្ដឹងមកសមាជិកឧត្តមក្រុមប្រឹក្សាពិគ្រោះនិងផ្ដល់យោបល់ហេីយត្រូវយើងខ្ញុំចុះស្រាវជ្រាវរកឃេីញភាពមិនប្រក្រតីនឹងកសាងរបាយការណ៍បញ្ជូនទៅរាជរដ្ឋាភិបាល ។
ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ជម្រាបជូន លោករដ្ឋមន្ត្រីក្រសួងបរិស្ថានក្នុងកម្មវត្ថុ ៖ ករណីរបាយការណ៍សង្ខេបអំពីលទ្ធផលស្រាវជ្រាវ របស់ប្រធានប្រតិភូគណបក្សខ្មែរក្រោក ស្តីពីទំនាស់ដីធ្លីនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។
យោង ៖ – លិខិតលេខ៥៩២/១៩ ចុះថ្ងៃទី២៣ ខែកញ្ញា ឆ្នាំ២០១៩ របស់លេខាធិការដ្ឋានឧត្តមក្រុមប្រឹក្សាពិគ្រោះនិងផ្តល់យោបល់ និងយោងតាមចំណារដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចុះថ្ងៃទី១២ ខែធ្នូ ឆ្នាំ២០១៩។
សេចក្តីដូចមានចែងក្នុងកម្មវត្ថុនិងយោងខាងលើ ទីស្តីការគណៈរដ្ឋមន្ត្រីសូមជម្រាបជូន លោករដ្ឋមន្ត្រីក្រសួងបរិស្ឋានជ្រាបថា ករណីទំនាស់ដីធ្លីនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ដែលបានលើកឡើងដោយប្រធានប្រតិភូគណបក្សខ្មែរក្រោក រាជរដ្ឋាភិបាលឯកភាពប្រគល់ជូនក្រសួងបរិស្ថានពិនិត្យនិងដោះស្រាយ៕ ដោយ៖កូឡាប
