ខេត្តព្រះសីហនុ៖ ស្គាល់អត្តសញ្ញាណ ក្មេងទំនើងម្នាក់ ដែលបើកឡានទំនើបបុកកូនស្រីមន្ត្រីយោធាបម្រើការងារនៅសាលាកងទ័ពជើងទឹកសមុទ្ររាមម្នាក់នោះហើយ គឺអតីតបុគ្គលិកបម្រើការងារនៅធនាគា RHBសាខាខេត្តព្រះសីហនុ ឈ្មោះ គុយ សំហួរ និងមាន អាខោនហ្វែសប៊ុកឈ្មោះ Kuy Samhour។
សាច់ញាតិស្ត្រីរងគ្រោះ បានឲ្យដឹងថា ជនបង្កដែលបានបើករថយន្ត ក្នុងស្ថានភាពស្រវឹងជោគ ហើយបានបើកបុកយុវតី២នាក់, ស្លាប់ម្នាក់ និងរបួសធ្ងន់ម្នាក់នោះ ត្រូវបានមិត្តភ័ក្រជម្លៀសចេញភ្លាមៗ ចេញពីកន្លែងកើតហេតុ..។
ចំពោះករណីនេះ សាច់ញាតិស្ត្រីរងគ្រោះ បានសំណូមពរដល់សមត្ថកិច្ចស្ថាប័នពាក់ព័ន្ធ ជាពិសេសតុលាការ ក៏ត្រូវនាំខ្លួន បុគ្គល ដែលនាំខ្លួន ជនបង្កគ្រោះថ្នាក់ចរាចរណ៍ យកទៅផ្តន្ទាទោសផងដែរ។
សាច់ញាតិយុវតីរងគ្រោះ បានស្នើឲ្យមន្ត្រីសាលាដំបូងខេត្តព្រះសីហនុ ជួយរកយុត្តិធម៌ និងជួយនាំខ្លួនជនបង្ក ដើម្បីកសាងសំណុំរឿងបញ្ជូនទៅកាន់តុលាការផ្តន្ទាទោសតាមច្បាប់ ដោយអនុគ្រោះ។
ករណីគ្រោះថ្នាក់ចរាចរណ៍ខាងលើនេះ បានកើតឡើងនៅតាមឆ្នេរសមុទ្ររាម ស្ថិតក្នុងភូមិអុង ឃុំរាម ស្រុកព្រៃនប់ ខេត្តព្រះសីហនុ។
ប្រភពបានឲ្យដឹងថា យុវជនទំនើងដែលបើករថយន្ត ក្នុងស្ថានភាពស្រវឹងជោគនោះ ហើយបុកស្ត្រីម្នាក់ស្លាប់ គឺជាអតីតបុគ្គលិកធនាគារមួយកន្លែង ស្ថិតក្នុងក្រុង-ខេត្តព្រះសីហនុ។
ប្រភពអះអាងថា ស្ត្រីរងគ្រោះ ដែលរងគ្រោះដល់អាយុជីវិត គឺជាកូនស្រី របស់មន្ត្រីយោធាបម្រើការងារជាចុងភៅ នៅសាលាទ័ពជើងទឹករាម ខេត្តព្រះសីហនុ។
ហេតុការណ៍គ្រោះថ្នាក់ចរាចរណ៍ ខាងលើនេះ បង្កឡើងដោយរថយន្តឡង់គ្រីស័រ ៥៧០ ពណ៌ ស ស្លាកលេខព្រះសីហនុ 2C- 8778។ ហើយគ្រោះថ្នាក់ចរាចរណ៍នេះ បានកើតឡើងនៅម៉ោង ៥ និង៣០នាទី ល្ងាចថ្ងៃអាទិត្យ ទី៥ ខែមករា ឆ្នាំ២០២០ ក្រោយពួកគេបានបញ្ចប់ការជួបជុំផឹកស៊ីនៅឆ្នេរសមុទ្ររាម ខេត្តព្រះសីហនុ។
ភ្លាមៗនោះ ក្មេងទំនើង ដែលគេស្គាល់ឈ្មោះ គុត សំហួរ អតីតបុគ្គលិកធនាគារ RHB បានបើករថយន្តទំនើប របស់ខ្លួន ក្នុងអការៈស្រវឹង បុកយុវតីម្នាក់ស្លាប់ និងរបួសធ្ងន់ម្នាក់ ក៏ត្រូវបានមិត្តភ័ក្រជម្លៀសចេញពីកន្លែងកើតហេតុ..។
យ៉ាងណាក៏ដោយចុះ រហូតមកដល់ពេលនេះ សមត្ថកិច្ច នៃស្នងការដ្ឋាននគរបាលខេត្តព្រះសីហនុ នៅមិនទាន់បាននាំខ្លួន យុវជនបង្កគ្រោះថ្នាក់ចរាចរណ៍បង្កឲ្យយុវតីម្នាក់ស្លាប់ និងរបួសធ្ងន់ម្នាក់ យកទៅផ្តន្ទាទោសនៅឡើយទេ..។
ប្រជាពលរដ្ឋរស់នៅខេត្តព្រះសីហនុ កំពុងរង់ចាំមើល ចំណាត់ការ របស់សមត្ថកិច្ចនគរបាល, កម្លាំងកងរាជអាវុធហត្ថ ជាពិសេសតុលាការខេត្តព្រះសីហនុ អនុវត្តច្បាប់មានប្រសិទ្ធភាពត្រឹមកម្រិតណា..?។ ហើយថា ជនបង្កគ្រោះថ្នាក់ចរាចរណ៍ បើករថយន្តក្នុងស្ថានភាពស្រវឹងជោគ បុកមនុស្សស្លាប់នោះ នឹងត្រូវនាំខ្លួន យកទៅទទួលខុសត្រូវចំពោះមុខច្បាប់ដែរឬទេ…?៕ ដោយ៖ ដែន សីមា