ខេត្តព្រៃវែង៖ នគរបាលស្រុកស្វាយអន្ទរឃាត់ខ្លួនជនសង្ស័យម្នាក់ ករណីប៉ុនប៉ងធ្វើឃាត និងប្រើប្រាស់អាវុធវែងប្រភេទអាកាដោយគ្មានការអនុញ្ញាត កាលពីវេលាម៉ោង៧ និង៣០នាទី ថ្ងៃទី៥ ខែមករា ឆ្នាំ២០២០ ស្ថិតនៅត្រង់ចំណុច ភូមិព្រៃខ្លាទី២ ឃុំព្រៃខ្លា ស្រុកស្វាយអន្ទរ ខេត្តព្រៃវែង ។
មន្ត្រីនគរបាលស្រុកស្វាយអន្ទរ បានឲ្យដឹងថា ជនសង្ស័យឈ្មោះ វ៉ិន អ៊ូក ភេទប្រុស អាងយុ៤៤ឆ្នាំ មានទីលំនៅបច្ចុប្បន្ន ភូមិបេង ឃុំដា ស្រុកមេមត់ ខេត្តត្បូងឃ្មុំ បានមកធ្វើសំណង់នៅ ភូមិព្រៃខ្លាទី២ ឃុំព្រៃខ្លា ស្រុកស្វាយអន្ទរ ខេត្តព្រៃវែង ។ វត្ថុតាងរួមមាន៖ អាវុធAK47 អត់ស្វាយ បង់មួយ និងគ្រាប់ចំនួន ២៣គ្រាប់ ។
នគរបាលស្រុកស្វាយអន្ទរ បានបន្តថា៖ ជនសង្ស័យមានគុំនំជាមួយជនរងគ្រោះក៏បានយកអាវុធAK47 មករកបាញ់ជនរងគ្រោះឈ្មោះ ឃៀម ស្រូយ ភេទប្រុស អាយុ៦០ឆ្នាំ រស់នៅ ភូមិព្រៃខ្លាទី២ ឃុំព្រៃខ្លា ស្រុកស្វាយអន្ទរ ពេលនោះត្រូវបានអ្នកជិតខាងឃើញទាន់បានប្តឹងមកសមត្ថកិច្ច ពេលនោះកម្លាំងសមត្ថកិច្ចចេញអន្តរាគមន៍ ចាប់ដកយកអាវុធបាន នឹងឃាត់ខ្លួនជនសង្ស័យយកមកកាន់អធិការដ្ឋាននគរបាលស្រុកស្វាយអន្ទរ ដើម្បីសាកសួរ និងចាត់ការតាមនីតិវិធី ៕ដោយ៖កូឡាប
