ខេត្តស្វាយរៀងៈ រថយន្តម៉ាកLEXUS RX330 មួយគ្រឿង បានរងការខូចខាតយ៉ាងដំណំ នៅក្នុងករណីគ្រោះថ្នាក់ចរាចរណ៍ ជាមួយរថយន្តកុងតឺន័រ ដែលហេតុការណ៍នៃករណីគ្រោះថ្នាកចរាចរណ៍នេះ បានកើតឡើង កាលពីវេលាម៉ោង២១និង១០នាទី យប់ថ្ងៃទី៥ ខែមករា ឆ្នាំ២០២០ នៅលើផ្លូវជាតិលេខ១ នៅចន្លោះគីឡូម៉ែត្រ១៥៣-១៥៤ ស្ថិតក្នុងភូមិព្រៃទប់ សង្កាត់ច្រកម្ទេស ក្រុងបាវិត ខេត្តស្វាយរៀង មានករណីគ្រោះថ្នាក់ចរាចរណ៍មួយកើតឡើង រវាងរថយន្តនិងកុងតឺន័រក្នុងទិសដៅស្របទិសគ្នា (ពីលិចទៅកើត) ។
សមត្ថកិច្ចបានឱ្យដឹងថាៈ មានរថយន្ត១គ្រឿងម៉ាក LEXUS RX330 ពាក់ផ្លាកលេខភ្នំពេញ 2BC-1817 បើកបរដោយឈ្មោះ តុល វុទ្ធា ភេទប្រុស អាយុ៤៦ឆ្នាំជនជាតិខ្មែរមុខរបរយោធា មានទីលំភូមិបុសស្វាយ ឃុំបុសមន ស្រុករំដួល ខេត្តស្វាយរៀង បានធ្វើដំណើរពីលិចទៅកើត លុះមកដល់ចំណុចកើតហេតុលើ បានបទឆ្វេងបម្រុងចូលផ្ទះ ស្រាប់តែមានរថយន្តកុងតឺន័រមួយគ្រឿង បើកពីលិចទៅកើត មកដល់កន្លែងកើតហេតុរថយន្តកុងតឺន័រ ដែលមានផ្លាកលេខ ភ្នំពេញ3D-0420 បើកបរដោយឈ្មោះ ពោន បូ ភេទប្រុស អាយុ២៨ឆ្នាំ ជនជាតិខ្មែរ មុខរបរបើកបររថយន្ត មានទីលំភូមិព្រៃស្រឡៅ ឃុំត្រពាំងសាលាខាងលិច ស្រុកបន្ទាយមាស ខេត្តកំពត ក៏បានបុកប៉ះនិងរថយន្តម៉ាក LEXUS RX330 ខាងលើ បណ្តាលឲ្យខូចខាត់ធ្ងន់ទាំងសងខាង អ្នកបើកបរទាំងពីរពុំមានរបួសទេ។
ប្រភពដដែលបានបន្តថាៈ បច្ចុប្បន្នវត្ថុតាងរថយន្តទាំង២គ្រឿង សមត្ថកិច្ចយើងយកមករក្សា ទុកនៅអធិការដ្ឋាននគរបាលក្រុងបាវិត ដើម្បីក៏សាងសំណុំរឿងចាត់ការតាមនីតិវិធី។ មូលហេតុ អ្នកបើកបររថយន្តកុងតឺន័រប្រើប្រាស់ល្បឿនលឿន៕ ដោយ៖ វ៉ៃកូ