បន្ទាយមានជ័យ៖ លោកអាត់ ខែម ស្នងការនគរបាលខេត្តបន្ទាយមានជ័យ បានថ្លែងថា មានយុទ្ធជនបីនាក់ បានចូលហាងស៊ីផឹកក្នុងហាងមួយ រហូតដល់ យប់ជ្រៅ ម៉ោង2ហើយ មិត្តភក្តិ២នាក់ទៀត គេចខ្លួនបាត់អស់ នៅសល់តែយុទ្ធជនម្នាក់ឯង ហើយគ្មានលុយឲ្យថ្លៃស៊ីផឹកគេ ហើយត្រូវបានម្ចាស់ហាងចាប់ខ្លួន សួរនាំ យុទ្ធជននោះ ក៏បានឆ្លើយថាស្គាល់លោកស្នងការខេត្ត ហើយម្ចាស់ហាងក៏ទូរស័ព្ទចូលមកលោកស្នងការតែម្តង ហើយលោកស្នងការចាត់កម្លាំងឲ្យទៅអញ្ជើញគាត់មកសួរនាំ ។
លោកស្នងការបញ្ជាក់ថា លុះព្រឹកឡើង ក្រោយពេលបញ្ចប់ការសួរនាំ លោកស្នងការជួនថវិកាចំនួន 200.000 រៀល ទៅយុទ្ធជននោះ ដើម្បីយកទៅសងម្ចាស់ហាងផឹកស៊ី។
ស្នងការដ្ឋាននគរបាលខេត្តបន្ទាយមានជ័យ នៅថ្ងៃទី៦ខែមករា បានឲ្យដឹងថា “យុទ្ធជននេះ គាត់ចូលហាងស៊ីផឹក គ្នាបីនាក់ យប់ជ្រៅ ម៉ោង2ហើយ អ្នកមកជាមួយ គេគេចខ្លួនអស់សល់ម្នាក់ឯង គ្មានលុយថ្លៃស៊ីផឹកគេ ។ គេសួរស្គាល់អ្នកណាខ្លះ គាត់ឆ្លើយថាគាត់ស្គាល់អ៊ំ អាត់ ខែម ។ ម្ចាស់ហាងរាយការណ៍មកលោក ស្នងការ ទាំងយប់ លោកស្នងការចាត់កម្លាំងឲ្យទៅអញ្ជើញគាត់មកសួរនាំ។ តាមសេចក្តីរាយការណ៍ម្ចាស់ហាង ព្រឹកឡើង ជួបលោក ស្នងការ លោក ស្នងការ សួរ គាត់ថាឮឈ្មោះអ៊ំ ចេះថាទៅ ខ្លាចគេវាយ” ។
ប្រភពដដែល បានបញ្ជាក់ថា “ព្រឹកនេះ លោក ស្នងការ ជួនចំនួន 200.000 រៀលឲ្យទៅសងម្ចាស់ហាងគេ “៕ដោយ៖កូឡាប
