ភ្នំពេញ៖ ស្ថានទូតសហរដ្ឋអាមេរិកប្រចាំកម្ពុជា នៅថ្ងៃទី៧ខែមករានេះ បានសរសេរសារនៅលើហ្វេសប៊ុកផ្លូវការ នៅថ្ងៃនេះ ប្រជាជនកម្ពុជា បានបង្ហាញនូវភាពរឹងមាំអស់ជាច្រើនទសវត្សរ៍ ចាប់តាំងពីសម័យដ៏ខ្មៅងងឹត និងការខិតខំប្តេជ្ញាចិត្ត បាននាំប្រទេសមួយនេះមកដល់សព្វថ្ងៃ។ សហរដ្ឋអាមេរិកនៅតែប្តេជ្ញាចិត្តយ៉ាងមុតមាំក្នុងការគាំទ្រដល់ប្រជាជនកម្ពុជា។
ស្ថានទូតសហរដ្ឋអាមេរិក បានបញ្ជាក់ថា “ថ្ងៃនេះយើងចងចាំប្រជាជនកម្ពុជាជិត ២លាននាក់ ដែលបានបាត់បង់ជីវិត ហើយមានផលប៉ះពាល់ជាច្រើនរាប់មិនអស់ នៅក្នុងរបបប្រល័យពូជសាសន៍ខ្មែរក្រហម។ ប្រជាជនកម្ពុជាបានបង្ហាញនូវភាពរឹងមាំអស់ជាច្រើនទសវត្សរ៍ ចាប់តាំងពីសម័យដ៏ខ្មៅងងឹត និងការខិតខំប្តេជ្ញាចិត្ត បាននាំប្រទេសមួយនេះមកដល់សព្វថ្ងៃ។ សហរដ្ឋអាមេរិកនៅតែប្តេជ្ញាចិត្តយ៉ាងមុតមាំ ក្នុងការគាំទ្រដល់ប្រជាជនកម្ពុជា និងសេចក្តីប្រាថ្នារបស់ពួកគេសម្រាប់ការផ្សះផ្សាជាតិ វិបុលភាព ប្រជាធិបតេយ្យ និងឯករាជ្យភាព ហើយដើម្បីធានាថាសោកនាដកម្មបែបនេះនឹងមិនកើតឡើងវិញ”៕ដោយ៖កូឡាប
