ខេត្តស្វាយរៀង៖ មានករណីឃាតកម្មដ៏សាហាវបណ្តាលឲ្យបុរសម្នាក់ស្លាប់ភ្លាមៗនៅនឹងកន្លែងខណៈជនរងគ្រោះចូលទៅសួរនាំរឿងផឹកស៊ីដើរចោលគ្នាក៏ត្រូវជនសសៃប្រសាទខឹងទាញបានពូថៅពុះអុសវាយជាង១០ពូថៅត្រូវក្បាលជាច្រើនពូថៅនិងដើមទ្រូងឆ្អឹងជំនីជាំពេញខ្លួនស្លាប់នៅក្នុងថ្លុកឈាម។
ករណីដ៏សាហាវនេះកើតឡើងនៅវេលាម៉ោងប្រមាណ១១និង៣០នាទីព្រឹកថ្ងៃទី៧ខែមករាឆ្នាំ២០២០នៅភូមិដូនសរឃុំដូនសរស្រុកស្វាយជ្រំខេត្តស្វាយរៀង។
បើតាមសមត្ថកិច្ចនគបាលប៉ុស្ត៍រដ្ឋបាលឃុំដូនសរបានឲ្យដឹងថា ជនរងគ្រោះឈ្មោះ ឥនស៊ីថា ភេទប្រុសអាយុ៥៦ឆ្នាំអតីតៈទាហ៊ាននៅខេត្តមណ្ឌលគីរីមានទីលំនៅបច្ចុប្បន្ននៅភូមិឃុំកើតហេតុខាងលើត្រូវជនសសៃប្រសាទវាយនិងផ្លែពូថៅជាង១០ពូថៅស្លាប់ភ្លាមៗនៅមុខផ្ទះជនជាឃាត្តករតែម្តង។ ចំណែកជនសង្ស័យឈ្មោះព្រំថុលភេទប្រុស អាយុ៥៧ឆ្នាំ ជានជនសសៃប្រសាទចំនួន៥ឆ្នាំមកហើយ ដែលមានផ្ទះក្បែគ្នានិងជនរងគ្រោះ។
បើតាមស្រីម្នាក់ជាបងថ្លៃជនរងគ្រោះបានឲ្យដឹងថា មុនពេលកើតហេតុនៅវេលាម៉ោង៧និង៣០នាទីព្រឹកថ្ងៃ៧មករា ជនរងគ្រោះបានដកបន្លៃស្ពៃ ដឹកដើរចែកបងប្អូនក្នុងភូមិក្រោយមកក៏បានយកស្ពៃទៅឲ្យជនសង្ស័យហើយបានដឹកជនសង្ស័យទៅលេងផ្ទះបងប្អូនម្នាក់ទៀតនៅខាងត្បូងព្រែកដូនសរនិងយកបន្លែស្ពៃទៅឲ្យផងរួចក៏ម្ចាស់ផ្ទះបបួលឲ្យនៅលេងនិងផឹកស៊ីបន្តិចបន្តួចខណៈនោះជនសង្ស័យមិននៅផឹកទេបានដើរត្រឡប់មកផ្ទះវិញបាត់លុះម៉ោង១១និង៣០នាទីព្រឹកជនរងគ្រោះក៏ត្រឡប់មកផ្ទះវិញហើយបានទុកម៉ូតូនិងកូនស្រីនៅមុខផ្ទះរួចដើរទៅផ្ទះជនសង្ស័យចម្ងាយ៥០មែត្រហើយបានអង្គុយលើគ្រែក្រោមផ្ទះទំនងជាចង់សួររឿងដើរមកផ្ទះវិញខណៈនោះស្រាប់តែជនសង្ស័យខឹងទាញពូថៅវាយទៅលើជនរងគ្រោះយ៉ាងរន្ថើនតែម្តងឃើញដូច្នេះអ្នកជិតខាងសុទ្ធតែស្រីៗមិនហ៊ានចូលជួយទេក៏រត់ទៅប្តឹងសមត្ថកិច្ចប៉ុស្ត៍រដ្ឋបាលឃុំឲ្យមកជួយពេលសមត្ថកិច្ចមកដល់គឺហួសពេលទៅហើយ។ក៏ចាប់ខ្លួនជនសង្ស័យទៅប៉ុស្ត៍ដើម្បីសាកសួរ។
បើតាមសមត្ថកិច្ចបានឲ្យដឹងទៀតថាជនសង្ស័យមានជម្ងឺសសៃប្រសាទរយៈពេល៥ឆ្នាំហើយកំពុងព្យាបាល។ រីឯអ្នកស្រុកប្រាប់ថា ជនសសៃប្រសាទនេះមានប្រពន្ធពី ប្រពន្ធដើមឈ្មោះជុំសំអុល អាយុ៥៣ឆ្នាំមានកូន៥នាកស្រី៣នាក់។មានប្រពន្ធចុងលួចលាក់ក្រោយមកប្រពន្ធចុងនោះឲ្យគ្រូដាក់ស្នេហ៌ប្តីដាក់ចុះដាក់ឡើងស្រាប់តែក្លាយជាមនុស្សសសៃប្រសាទ៥ឆ្នាំមកហើយក្រោយមកពេលធ្វើទុក្ខរើសសៃប្រសាទបានចាប់ប្រពន្ធនិងកូនៗចងក្រោមផ្ទះហើយគម្រាមសម្លាប់ចោលក៏ត្រូវសមត្ថកិច្ចមកជួយរំដោះប្រពន្ធកូនរួចផុតពីការគម្រាមនោះ។
ប្រភពដដែលបានបន្តថាៈដោយប្រពន្ធកូនភ័យខ្លាចបាននាំគ្នារត់ចោលទៅនៅស្រុកផ្សេងអស់រយៈ៣ឆ្នាំមកហើយជនសង្ស័យរស់នៅផ្ទះម្នាក់ឯងហើយត្រូវជនរងគ្រោះមកលេងជាមួយនិងដឹកដើរផឹកស៊ីជុំគ្នាស្ទើរាល់ថ្ងៃនិងឲ្យបាយសម្លរស្ទើតែរាល់ថ្ងៃដែរ។ចំណែកជនរងគ្រោះឈ្មោះឥនស៊ីថា មានប្រពន្ធ៣នាក់កូន១០នាក់ស្រី៦នាក់។ប្រពន្ធដើមឈ្មោះរស់តូច អាយុ៥៩ឆ្នាំមានកូន០៩នាក់ស្រី៥នាក់។នៅក្នុងអំឡុងឆ្នាំ១៩៨៦បានប្រាប់ប្រពន្ធថា ទៅលេងឳពុកម្តាយនៅខេត្តមណ្ឌលគីរី កាលណោះធ្វើជាទាហ៊ាននៅខេត្តមណ្ឌលគីរី ហើយស្រាប់តែបាត់ដំណឹងឈឹងមិនដឹងថាស្លាប់ឬរស់ទេ។ក្រោយមកស្រាប់តែឮដំណឹងថាមានប្រពន្ធថ្មីនៅខេត្តមណ្ឌលគីរីនោះមានកូនស្រីម្នាក់ ក្រោយមកទៀតបានមកនៅស្រុកអូរាំងឳខេត្តកំពង់ចាមបានលែងប្រពន្ធទី២មកមានប្រពន្ធម្នាក់ទៀតឈ្មោះវី អាយុ៥១ឆ្នាំនៅអូរាំងឳហើយនៅឆ្នាំ២០១៧ក៏បាននាំប្រពន្ធទី៣និងកូនស្រីមករស់នៅជិតផ្ទះប្រពន្ធដើមក៏ប៉ុន្តែប្រពន្ធដើមគិតថាចាស់ៗហើយក៏មិនប្រកាន់ទេ។ហើយជនរងគ្រោះបានសង់ខ្ទមតូចមួយរស់នៅ០៣នាក់ប្រពន្ធក្រោយ(គ្មានកូនទេ)ចម្ងាយ១៥០ម៉ែត្រ។រីឯជីវភាពក្រីក្រលំបាកមុខរបរដាំស្ពៃលក់ដល់ពេលស្ពៃថោកពេកដកចែកអ្នកភូមិហូបតែម្តង។ដោយជីវភាពក្រីក្រពេលស្លាប់ប្រពន្ធដើមនិងកូនៗបានយកសពទៅធ្វើបុណ្យតាមប្រពៃណីនៅផ្ទះប្រពន្ធដើម។ចំណែកជនសសៃប្រសាទត្រូវសមត្ថកិច្ចបញ្ជូនមកស្នងការដ្ឋាននគបាលខេត្តចាត់ការតាមនីតិវិធី៕ ដោយ ៖ វ៉ៃកូ
