មណ្ឌលគិរី៖ មន្ត្រីកងរាជអាវុធហត្ថខេត្តមណ្ឌលគិរី បានឲ្យដឹងថា ជនសង្ស័យ និងវត្ថុតាជនសង្ស័យ និងវត្ថុតាង លើករណីបទល្មើសព្រៃឈើ បានបញ្ជូនដល់ខណ្ឌរដ្ឋបាលព្រៃឈើ ខេត្តមណ្ឌលគិរី រួចហើយ នៅព្រឹកថ្ងៃទី៨ ខែមករា ឆ្នាំ២០២០នេះ។
នាយខណ្ឌរដ្ឋបាលព្រៃឈើខេត្តមណ្ឌលគិរី លោក អ៊ុំ វណ្ណសុភៈ បានឲ្យដឹងថា ខណ្ឌរដ្ឋបាលព្រៃឈើ បានទទួលជនសង្ស័យចំនួន៤នាក់, រថយន្ត Toyota ទួរីស ពណ៌សប្រផេះ ចំនួន១គ្រឿង , ដាវ ចំនួន១ដើម,
ដែកត្បែងចំនួន៣ដើម, ពិលឆ្លុះ ចំនួន៣គ្រឿង និងរណារយន្ត (ម៉ាស៊ីនត្រង់ស៊ីន័រអារឈើ) ចំនួន២គ្រឿង ពីកងរាជអាវុធហត្ថខេត្តមណ្ឌលគិរី។
លោកបន្តថា ជនសង្ស័យទាំង៤នាក់រួមមាន៖ ១- ឈ្មោះ សេន ម៉ាន ហៅ តាំ ភេទប្រុស ២- ឈ្មោះ ញឹម វុទ្ធី ហៅ ធី ភេទប្រុស
៣- ឈ្មោះ រឿង ពេជ្រ ហៅ គា ភេទប្រុស ៤- ឈ្មោះ ជិន ញ៉ាញ់ ហៅ ញ៉ាញ់ ភេទប្រុស។
ជនសង្ស័យខាងលើនេះ ត្រូវបានកងរាជអាវុធចាប់ឃាត់ខ្លួន នៅភូមិអូររណា ឃុំស្រែខ្ទុម ស្រុកកែវសីមា កាលពីថ្ងៃទី៦ ខែមករា ឆ្នាំ២០២០ ដោយចោទពីបទ ប្រមូលផល អនុផលព្រៃឈើ ដោយគ្មានលិខិតអនុញ្ញាត៕ ដោយ៖ ដែន សីមា
